موتيفاسيون بالدارجة

مكنحملش نبارطاجي قصص الحياة و الحب و داكشي بلحق غنهضر على واحد السيد كيربطني بيه واااالو لا ثقافة لا دين لا لون لا لغة أم و لا حتى قارة .. بل ربطنا غي فيديوهاتو فيوتب و غيكون سبب باش يقول شي كلام لي واخة انا عارفو و انما طريقة هضرتو و الحرارة لكيهضر بيها توشاتني و انا من ناس لي اتهضر معاية غتحرك فيا وااالو ههه
مهم غنبدا ...
اي شخص غادي تهضر معاه غتلقا عندو احلام.. ممكن تكون كتمتل فمجرد زواج و كتوصل حتا لي باغي يحكم العالم مهم مهما بلغ هاد الحلم الدنائة ديالو او الرقي ديالو ميمكنش تضحك عليه حيت هو ديال صاحبو ... خلينا من هاذا انا كنآمن بلي الأحلام صنعت لفترت ما بعد النوم ... انا هنا كنهضر ليكم عن اشخاص لي عندها اهداف فحياتها انا هنا باغي نحيي فيك الأمل و لي شجعني نكتب هو ان شارلي فيها غي الشباب من 16-35 عام، يعني فترة ديال البناء ... المهم انا كأي شاب او شابة مغربية باغي نبني حياتي بحالكم اهدافك الأولية هي تنجح فقرايتك ايما كانت يا هندسة يا التكوين .. تدبر خديمة .. تترقا فخدمتك.. تدير طموبيلتك او او كيبقا على حساب عقليتك انما من اللخر يكون كونط البانك فيه اللعاقة و نتا قاد براسك و بعائلتك و تحاول فهاد المسيرة تكون جمعتي كم معلومات و بناء شخصية كتليق بيك كشخص كبير و كاين لي الهدف ديالو ملي يكبر يكون مثقف كفاية باش يكون اب جيد و يربي ولادو مزيان راه كاملين هادشي لي باغيين بطرق مختلفة بلحق ....
كاملين خصنا و كاملين عارفين كيفاش .. و كنحسو براسنا قادريين انما مكنديروووش
علاش؟
هنا غنهضرو على الحافز لفعل الشيئ!! شنو غيخليني انا دبا ناعس فبلاصتي فالكاما و المانطة سخووون نوض فالبرد باش نقرا ميكانيك صوليد ؟ .. هو نفس شي لغينوضني نشرب .. العطش، العطش مفهوم نسبي يمكن يكون عطش للماء ممكن للمعرفة، المال، تيتيز ايييي شيئ اه ممكن تيتيز ممكن اي شيئ مهم خاصك تعرف شنو الموتيفاسيون ديالك كتشفو و نوووض ميهمكش الا كان موتيفاسيون لا علاقة حيت نتا الاهم ليك هو هدفك الا كانت غريزة حب المال كتحركك فكر فالفلوس لي غيجيوك من بعد مهم تحرك راه فواحد الوقت كانت المجاعة فالمغرب و ناس بقاتش كتمشي تقرا تقرا و باش يشجعو ناس كانت جامعة القرويين كتعطي الخبز نلي كيجي يقرا و دخلوليها ناس غا على الخبز فاللخر زدقو خرجو ناس ضليعين فاللغة و التاريخ و علوم اخرى
يعني اول حاجة خصك تجبر اشنو الحاجة لي غتنوضك من بلاصتك واش ماماك مريضة؟
واش بغيتي الفلوس و الحديد و تيتيز؟ "متحشمش من راسك الا كان هادا هو لي غينوضك نووووض حسن مترجع علة على والديك و المجتمع و التفكير ممكن يرتقي بمجرد مقال من الشخص المناسب بالوقت المناسب"
واش بغيتي تبدل البلاد و تزينها؟
واش بغيتي تعاون خوتك او او او مهم لقا
دبا هنا اتكون لقيتي لحاجة لغتنوضك دابا بغيتك تعرف بلي واخة نتا عمرك خدمتي جهدك كامل و كتوقع انك الا خدمتي اطرطق العشرينات او تولي مقود فخدمتك صاف صاخط غتبدا و موتيفي و كتقراي او كتقرا من الستة دصباح لليل حيدتي الفايس و واتساب او قللتيهم و كتخصر فلوسك فالقهاوي وشي حاجات عمرك عملتيهم بحال شريتي بوليكوب هههه مي غتلقا الدنيا غتصباتك و كنتي غالط فراسك مطرطقتي لا عشرينات لا عشراوات !!
كتبقا تقول مالي انا مكلخ انا حمار انا شدرت و اصلا منقرا غي باش نعاون خوتي و الواليدة و بغيت نعاون ناس و خدمت من نييتي و ضلموني فالتصحيح و اول مرة نعم اول مرة غتبكي بالقهرة بالحر حيت خدمتي و كتحس تضلمتي و الحياة غير عادلة هنا غنسكت انا و غيهضر الشيخ روكي
دعني أخبرك شيئا أنت تعرفه بالفعل، العالم ليس كله قوس قزح أو شمس مشرقة. العالم مكان صعب ومليء بأسباب الشر والخبث، ومهما كنت قويا فسينقض عليك هذا العالم سجعلك تسقط على ركبتيك من شدة ضرباته، وسيحرص العالم على أن تبقى راكعا هكذا تحت وطأة ضرباته … إن أنت تركته… لا يستطيع أحد أن يضربك بقوة تماثل قوة هذا العالم…
عليك أن ترد الضربات بكل قوتك، بقوة تماثل قوة ضربات الحياة. ليست العبرة بمدى قوة ضرباتك، بل بقدرتك على أن تتلقى الضربة وتتحملها وتستمر في السير للأمام في طريقك. كم من الضربات يمكنك تحملها بينما تستمر في السير للأمام؟ هذه هي طريقة صنع الفوز والفائزين.
إذا كنت تعلم ما تساويه وما تستحقه، اخرج إلى هذا العالم واحصل على ما تستحقه، لكن عليك قبلها أن تكون مستعدا لتلقي الضربات، وألا تشكو قائلا أنا لست في المكان الذي استحقه بسببه هو أو بسببها هي أو بسبب أي شخص. الجبناء يتعللون بهذه الأعذار وأنت لست جبانا، أنت أفضل من ذلك.”
– روكي بالبوا
كنت غنعمل جزئان بلحق نكمل ... فضلت انا نسكت و الأسطورة هو لي يكمل ... مهم دازو فحياتي اوقات مقودة لقيتش غي لي يقوليا انا مؤمن بك رغم انني تحديت بزاف فحياتي و رجعتش للور و شي ايام حسيت بالضعف و كان هاد الفيديو يلاه خرج توشاااااني معضمكم اتكونو شفتوه
Dream https://m.youtube.com/?#/watch?v=Q9YzsSyhK4w
كيبدا ب " انا لا اعرف ذالك الحلم الذي تملكه بعقلك، لا اعلم كم عانيت لتحقيقه او حاولت جاهدا . لاكنني اعلم انه ممكن"
المهم هنا فواحد اللقطة غيهضر واحد الصوت زوبرنيييي لحمي تشوكت بقيت سيمانة كنقلب على مولاه حتى لقيتو ايرك طوماس
هاد الفيديو لدابا كنتخنق كنسمعو شوف نسا المقال يقود كولشي تفرج فالأستاد شوف كيف كيهضر كيوصلك سيد عنا من التشرد و بدا من تحت الصفر هنا هاد خونا غيحرك فيا شي حوايج خلاني نطول الوقفة حدا المراية نقول شكون نتا اش بغيتي و شنو خصك و اش ناقصك ؟ و علاااش بقيتيش كيكنتي علاش وليت فاشل بعد ما كنت نسبيا ناجح هاد خونا كنتمنى نشكرو شخصيا ملي نكبر
هاذا خااااص بالتلامذ و نتي بالخصوص ههه Hanane Ch
https://m.youtube.com/?#/watch?v=GLcJHC9J7l4
مهم هو كيآمنش بلي كاين عشر مفاتيح النجاح كيقول انك تعمل وحدة مزيانة كافيا تنجحك فحياتك هنا جمعولو افضل عشرة نصائح و خونا صداااااااع هاذي لي خدام او اي شيئ ماشي غي طلاب راه هاذا غتندمش الا سمعتيه
نسكت انا و نخلي الأسطورة ايرك طوماس يهضر اه راه كان تصنف بين مئة اكثر شخصيات المؤثرة بالعالم برتبة متقدمة
https://m.youtube.com/?#/watch?v=9AEigQYfhJw