نيكولا تيسلا

 
"فضائلنا وعيوبنا لا ينفصلان ، مثل القوة والضعف اذا انفصلا لا يصبح الانسان إنسانا "
هادي كانت القولة ديال العالم العبقري لنساه التاريخ لدرجة دابا الا سولتي شي مهندس كهربائي يقدر ميعرفشي الاب الحقيقي دالكهرباء لهو "نيكولا تيسلا" ، شحال متضلمتي فهاد الدنيا السعيدة متكونشي قد هاد الشخص لعطا كل معندو باش نتا اسي الانسان تعيش مرتاح وبييس فحياتك ، ولكن دايما داك الراس ليكيتحكم وكيكون قوي يقدر يدوز عليك كأنك عمرك كنتي وهذا الحال دالعالم ديالنا مع كبار عالم المعرفة...
اولا نيكولا تيسلا تزاد ف 1856 فسميلجان بلدة فكرواتيا من اب وام مهووسين بمجال الكهرباء والميكانيك وخا ماقاريينشي غا البريكولات فالدار ، بدا من الصفر الخدمة فواحد مكتب دالتيليغراف وهو عندو 26 عام من تما خطط لمبادئ الحقل المغناطيسي المتناوب لكنخدموه حاليا فالاجهزة الكهرومغناطسية ومن تما جا ابتكار التيار المتناوب لخلاه يمشي لنيويورك باغراء من توماس اديسون يخدم معاه ف 1884 ... ومن بعد مدة مقدروشي يكملو بجوج حيت تيسلا كان فاشل كرجل اعمال وخا كان اذكى من اديسون وهاد الاخير كان محترف وكيركز على الحصيلة المالية ديال الاختراعات ديالو عكس تيسلا ، عقلان لامعان ميمكنشي يتلاقاو بسهولة ... من بعد كمل تيسلا راسو فمصنع صغير لخدم فيه باسلوب ديالو ...
هاد الثورة التكنولوجية هو عندو فيها اهم الاختراعات من "مصباح الفلوريسنت" " مصابيح النيون" "الميكروسكوب الاكتروني" "المايكروويف " "الراديو...التلفازة .... اللاسلكي و التحكم عن بعد..." وزيد المبادئ الاولية ديال الرادارات وزيد وزيد ... منها لبان على ارض الواقع ومنها لطمروه فحال اختراع النقل اللاسلكي وبزاف دالاسلحة الحربية فحال "مدفع الحزمة الجزئية وسلاح هاربر السري لكيستعملوه باش يتحكمو فالطقس وتحريض الزلالزل ...
حتا فهاد الموضوع -فيل شنايدر- قال باش يفرش المخططات الحكومية الامريكية " انا جيولوجي وكنعرف شكنقول مزيان من وقع زلزال كوبي فاليابان بانلنا ماكنت حتا نبضات موجية pulse wave لكتوقع فالزلازل العادية ونفس شي مع زلزال فرانسيسكو ،هو ابتكار لنيكولا تيسلا كان الهدف ديالو شيء اخر لكن من سرقوه ونسبوه لراسم خدموه فغايات شريرة ... "نقطة انتهى"
فضروري مطرح على راسك هاد السؤال
-علاش مكنسمعوشي بزاف على هاد العالم وعلاش تاريخ نبدو ونسا الفضل ديالو ؟
انا نقولك علاش تبع معايا
اولا من الاسباب الرئيسية لخلات التاريخ العلمي يمحي نيكولا من القاموس هو الخوف ديالم من الذكاء ديالو والعفوية لكيخدم بيها مكيفكرش فالمادة والفلوس حيت داك الاختراعات والاكتشافات ديالو الا جمعتيها كاملا اتلقاها كتنتمي لمدرسة خاصة فمجال البحث والتطوير حتا بدات ديك الختراعات كتبان هنا ولهيه وداك المخترعين لعندم اجهزة متقدمة كانو كيحتاجو اختراع تيسلا ديال واحد النوع دالطاقة الكهربائية باش يخدمو اجهزتم وداك الطاقة فابور كيستخلصوها من الاثير او الفراغ لمدور بنا ، اوا هادشي لمعجبشي الاباطرة دالمال وقررو يمحيو هاد الشوشرة من الوجود وحتا تيسلا معاها ويقمعوهم وطبعا نجحو فداكشي لخططولو ... ومن بينهم الرأسمالي (جورج ويستينغهاوس مورغان ) لعندو اكبر الشركات المالية (القابضة/الهولدينغ)، تيسلا مشا عند هاد مورغان وطلب منو يمولو باش يقدر يكمل المشروع ديالو "واردنكليف" فلول رفض من بعد من عرض عليه تيسلا ياخود 51 % من حق مللكية المشروع مقابل واحد القدر من لفلوس حيت تيسلا كان كيطمح ان هاد المشروع ينجح ومن يحقق النجاح يرجعلو الفلوس ويسترجع الملكية ولكن بلا فائدة حتا واحد ماكان مهتم وكان الفلوس كتسالا وكل مرة كيرجع عند مورغان ويطلب منو يزيدو والاخر كيوافق بشروط تعجيزية ولكن فالخر مورغان نسحب اولا حيت تيسلا تعطل فالمشروع وتانيا مالقا حتا مصلحة د ارسال الكهرباء لاسلكيا ...وفابور
بزاف دالناس بغاو يبينولنا تيسلا فصورة خايبة وحمق غا حيت مفكرشي فاختراعات مربحة دالبيع والشرا وفكر فالانسانية وشي حاجة فابور نبدوه ومعتارفوشي بيه حيت فالاصل كانو عارفين الاختراعات ديالو ناجحين بامتياز ولكن ماكانوشي الاختراعات على شكل سلع تجارية كيفما بغاو حاولو ينفيواه من الوجود ...
مات تيسلا وهو عندو تقريبا 87 سنة فواحد االاوطيل موسخ ومهمش فنيويورك وعاد قدر الاعلام يعترف بيه وقال "مات مخترع القرن 20" لخترع شيحاجات فايتا العصر ديالا واغلبها مزال مابانت ولا كيستافدو منا غا لقوى الكبرى ولا اخرى نسبوها لراسم علماء اخرين ...
جميع الاوراق والمخططات ديالو كاينا متحف تيسلا فبلجراد "belgrade" فيوغوسلافيا "yugoslavia" وشي مقتطفات منا تنشرت بعنوان " ملاحظات ينابيع كولورادو colorado springs notes"
حتا بانت ايضا سيارات بمحركات كهربائية باسم تيسلا
من الاقول ديالو ( “ليس للمال تلك القيمة الكبيرة التي وضعها له الانسان. لقد استثمرت جميع أموالي في التجارب التي نتج عنها اكتشافاتٍ جديدةً لجعل حياة البشر أسهل بقليل.” )
وللمزيد من المعلومات كاين هاد الكتاب http://www.4shared.com/…/nicola_tesla-elaa_elhalaby___-.html