كنت جالس مع صحاب دار كانتغداو و داز واحد الإشهار ماعرفتش ديال أش المهم لي لفت الإنتباه ديالي هو ديك الجملة لي دارو وهي "دخل مسالي و خرج شاري" بنسبة لإنسان عادي أتقول راه غير قافية و صافي و لكن إلى كنتي قاري واحد الحاجة سميتها المارشوندايزين أتفهمها بشكل أخر وبعمق
ناس لي مكاتعرفهاش المارشوندايزين أولا هي ماشي علم هي واحد الحاجة طورها العقل البشري مع التطور ديال طرق البيع ومرتابطة أساسا بنقط البيع بحال مارجان أسواق السلام إلخ الهدف منها هو تزيد فالشيفر دافيير ديال شي منتوج أو عدة منتوجات
وباش إتحقق هاد الإرتفاع فالشيفر دافير خاصك
– le bon produit : المنتوج الصحيح
– au bon endroit : في المكان الصحيح
– au bon moment : وفالوقت الصحيح
– au bon prix : وبالثمن الصحيح
– en bonne quantité : .والكمية الصحيحة
هادو كايتسماو بLes 5B de Kepner
هاد لي سانك بي تايقولو ليك راه ماشي أي برودوي غايتباع هكاك فينما حطيتيه وفوقتما حطيتيه خاص و ا لابدا تدير كل حاجة و بالحساب وباش تولي مارشوندايزور أيخصك تكون
براغماتي يعني أي حاجة كاتشوفها كاتعبرها حسب الفائدة ديالها
تكون على بال وتعرف أش كايدور فسوق وشنو الجديد شنو لي قدام المهم دبانة ماتزهق
تكون ضحوكي ماتكونش معبس حيت غاتحتاج ديك الضحكة فاش تكون كاتعامل مع بنادم وفاش تكون كادير لي صونداج باش تعرف شنو باغي بنادم
الخيال والإبداع خاص إكون عندك وبجهد غاتحتاجو باش تبدع فالطرق ديال الإشهار وكيفاش توصل المنتوج لكلشي و تخلي المنتوج إبيع راصو براصو بلى ماتدخل نت وهدا هو الأساس ديال مارشوندايزين المنتوج إبيع راصو براصو
من بعد ماعرفتو المارشوندايزين شنو هي أرا نرجعو لديك لعيبة ديال الإشهار وعلاقتها بهادشي أسيدي مع التطور ديال المارشوندايزين الهدف مابقاش فزيادة دمنتوج واحد تطور باش إزيد فالشيفر دافير دالنقطة دالبيع كلها وهنا نافس البلان ديال منتوج واحد كاطبقو على المنتوجات كاملين الفكرة وهي تحط دوك الحوايج لي كايتباعو بزاف فاللخرديال مركزالبيع داكشي علاش كاتلقى فمرجان ولا غيرهوم المنتوجات الغدائية فاللخر ديالو نت فاش كاتكون جاي تشري لحم كاتلقى راصك شاري شي لعيبات مامعولش تشريهوم وهاكدا نت دخلتي مساري وخرجتي شاري كتر من داكشي لي بغيتي
ناس ديال أكادير إلى رديتو لبال فمرجان ف 2012 تقدر دخل من أي بلاصة ماشي ضاروري دوز على الإلكتروميناجي ونت باغي تشري غير لحم كاتدخل كاتمشي ديريكت لعند صحاب لحم وكاتخرج
ولكن من بعد مارجان سد دوك المداخل وخلى دخلة وحدة من جهة الإلكتروميناجي دبا إلى باغي لحم خاصك وا لبدا دوز على التيليفونات الماطرييل دلاصال ماكلت الكلاب إلخ عاد توصل للحم
ب س : هادشي غير شوي وماتعمقتش حيت فييها بزاف ديال تقنيات أخرين باش تزيد فالشيفر دافيير ولكن ختاصرت على هادي
