كيفاش نكتب سيفي CV (سيرة ذاتية)

كيفاش نكتب سيفي CV (سيرة ذاتية) 

الناس لي كا يقلبو على فُرص شُغل، ضروري ما خاصك تكــون معللم فالكتابة ديال CV
لي هو الطريقة الوحيدة باش مُــديـر الشركة ياخد عليك فكرة و يتحمس أنهُ يوظفك عنـدو.
كاينين ناس عامرين و أكفاء Compétant و طريقة كتابـة CV كا تعرقل ليهوم الحصول
على الوظيفـة.
هادشي علاش بغيت نبارتاجي مع خوتي بعض النصائح المهمة فكتابة CV :
___________________________________________________
_________________________أولا ______________________
- كون دقيق فكتابة المعلومات : حيتاش السيفي ديالك كا يتقرا بالخاطر و بالعقل، بمعنى ما
تكتبش أنك معلم فشي حاجة لي نتا خاري فيها، و أنك كا طير فشي لُغة لي نتا مازال كا تهجا فيها.
- مثلا كا تلقا واحد داير فالسيفي ديالو كا نتقن الوورد و إكسيل و هو مازال يالاه كا يعرف يكتب نص و يرسم جدول بحال خوه الصغير لي كا يقرا فالأولى إعدادي.
_________________________ ثانيا ______________________
- ختاصر ما أمكن : و الماكس ديالك حاول يكون فيه ثلاثة ديال الصفحات على الأكتر فيه داكشي لي كا طير و تبدع فيه و مستاعد أنك تتميز فيه و تعطي فيه. و ملي كا نهضر على ثلاثة ديال صفحات كا نهضر على أساس أنك شبعان تجارب و تكوينات و مقود لأبعد حد فالضومين ديالك فهاد الحالة ديك الكترة مع الجودة غادي تكون شهادة إيجابية فصالحك، لي غا تخلي المودير يقيم عليك بعقلو و قلبو و يتحمس يخدمك فالشركة ديالو.
_________________________ ثالثا ______________________
- كل وظيفة و السيفي لي كا يصلاح ليها : على حساب التخصص و النوعية ديال الشركة لي نتا باغي تخدم فيها خاصك تصاوب سيفي سبيسيال، ماشي كا تجيب ليا سيفي واحد و تدفع بيه لعشرة ديال الشركات لا علاقة مع بعضياتهوم.
و حاول تركز على أ شنو بغات الشركة منك كمُوظف، و لعب ليها على الحاجيات ديالها باش تقيم عليك. بمعنى قبل ما تكتب السيفي قرا على أهداف الشركة و طُموحاتها باش تجيب اللاصق.
_________________________ رابعا ______________________
- عُناون البريد الإلكتروني خاص يكون فيه على الأقل الإسم ديالك و يكون بعقلو كا يبرهن على الرزانة و التباتة ديالك.
_________________________ خامسا _____________________
- هادو مواقع مُهمة بزاف غا تساعدك تكتب أحسن السيفيات :
1- https://goo.gl/u7n6ZS
2- http://goo.gl/MSdnS5