شنو كيطرا ليك نهار كتفارق مع الحبيب

 
فحياتنا العادية كنكونو سعداء واخا مشاكل الدنيا و الدين كتحط راسك على المخدة كتمشي و اغلب الأحلام ديالك كتكون سريالية .... متلا تقدر وسط الحلم و فغرق نعاس أخرج ليك سي تيجاني و قل ليك واش ممكن شي ح*** و اغلب الأشياء لكتعيش تكون روتينية فقط يوم واحد يتكرر يوميا حتى الواحد نهار و من حيت لا تدري .... كخرج ليك واحد النصف الآخر هنا كتنتقل من مرحلة العيش البوهيمي من أجل المأكل و الملبس لمرحلة الوجودية كتولي كتحس براسك كائن حي كحس كغير و ما كان من الأولويات سابقا كولي من تانويات و مركز الكون هو الحبيب و لا شيئ غيره كدوز المرحلة الأولى من الحب لي كتكون اسعد انسان فيها فالكون لكتسمى la passion مافيهاش أدنى مشكل فقط سعادة مطلقة .... كتولي ها حال فمك و ضاحك(ة) و مجرد كلمة منه كتولي أمير حب .... ها هو كدوز الوقت و كبدى الروتين و الغيرة و المشاكل و كترجع من أمير جب لاسير حرب ( وا شوف على طيحة) .... المهم كدوز الوقت واحد نهار كتوصلو الفراق تما كتقول هدا ما جنيت على نفسي و تما كدخل فواحد دوامة خايبة التي تعتبر موت .... اه موت لأنكم كنتو روح وحدة و تفارقتو بالتالي ماتت .... هنا سنتطرق للمراحل 5 بعد وفاة الحب و الفراق أو وفاة من تحب لي تطرقات ليهم ( إليزابيث كيوبلر روس في كتابها الصادر عام 1969 تحت اسم " عن الموت والوفاة ) .
فالمرحلة الأولى كيجي الإنكار : كتقول انا بيخير لي عادة ما يكون فقط مجرد رد فعل دفاعي .
تم كيجي الغضب كتبدى تقول علاش انا ؟؟ هادشي ماشي عدل ، اشنو درت ليه هنا كولي صعيب التفاعل معك حينت كدخل فتورة من الغضب لكتاتر فالمحيط ديالك
المرحلة 3 هي المساومة كتبدى طلب أو طلبي .... غير رجع لي بغيتيه انت هو حياتي كلشي غيتقاد و غنوليو بيخير هنا شخصيتك كضعاف و كتولي المساومة
المرحلة 4 هي الاكتئاب : صافي كتسلم للأمر الواقع كتبدى تقول هانيا اصلا لا معنى لحياتي و كن غير مت و راه غادي نموت و كتولي كتبان ليك الحياة سوداء مكتشوف والو غير الحزن و البكاء و هاد المدة كطوال .
تم كتجي الآخر مرحلة هي التقبل : " ما حدث حدث ويجب أن أكمل الطريق "، "لا فائدة من المقاومة، من الأفضل أن استعد لما سيأتي " : تمد المرحلة الأخيرة الفرد بشعور من السلام والتفهم للفقد الذي حدث صافي هنا كتبدى تجمع راسك و تقول انكم حياتي و كتبدى تقوى من جديد .
بلا ميجي شي واحد أدير فيها راه واعر و صحيح و العقلية الذكورية الخ المشاعر و المراحل هي سواسية ما بين الأشخاص الطبيعيين من غير لكنت حمق و شكرا .