الله ايرحم ليكوم الواليدين , خليونا من عزوز للمرة المليون راه عزوز كايخدم مصالح و اجندات انفصالية لا علاقة للحركات الامازيغية بيهوم , و بغا ايبني الاسطورة الشخصية ديالو و صافي .
بيتي تعرف شناهي القضية الامازيغية تابع هاد السيد لي غادي نهضر عليه باش ايحيد ليك المغالطات ديال اي شخص بعيد على الحركة MCA (العرق , التاريخ , القضية الفلسطينية و علاقتها بالامازيغ , العلمانية) و صراحة ايلا طلع فاللايف مع ماريو راه والله ماكاين شي حد غايقول الهضرة لي غايقول هاد السيد و ماكانحاولش نقاد الصورة ديالو قدامكم سيرو ليوتيوب و تبعوه .
سميتو أحمد عصيد , تولد فعام 1961 ,فضواحي تارودانت المنسية , سمية ديال الاب ديالو سعيد لكنها تبدلات حتا ولات عصيد , أييه لا علاقة اسم عصيد بالعصيدة او داكشي لي على بالكوم دابا ندوزو للمعقول ..
ف 1984 فالرباط غايشد السي عصيد الاجازة فاش ؟ اييه الفلسلفة , ..
غايدفع للتعليم و غايولي استاذ فمادة الفلسفة وغايبقا بيس و عايش مزيان حتى غايخرج قصيدة .
'باللغة الامازيغية سميتها 'البدء، غدا يولد .
غايخلي احمد عصيد التدريس , و غايطلع كاأمين العام للمجلس الوطني لجمعية البحث والتبادل التاريخي (أمريك)
بعد خطاب أجدير ولا احمد عصيد عضو فمجلس ادارة المعهد الملكي للثقافة الأمازيغية و هادشي حط عليه مجموووووووووعة ديال الانتقاادات و كاين لي عتابرو خائن ممخزن و كاين لي عتابرو بطل لانه حقق داكشي لي ماحققوهش الراديكاليين لي ماعندهومش منبر باش ايناضلو بيه و ايعبرو على داكشي لي عندهوم .ولحد الان عصيد هو اكثر شخص كانعرفو كايكتب مقالات على الامازيغية و على العلمانية و على الحريات الفردية فالمغرب كامل , خصك غار تدير احمد عصيد فمحرك البحث و ايطيحو ليك عدد المنشورات و المقالات لي كتبهوم فهيسبريس ردا على الاسئلة الجوهرية ديال الناس العاديين لي ماعندهومش اطلاع على القضية الامازيغية كاكثر سؤال شفتو فحياتي 'أنا امازيغي(ة) لكن بغيت نفهم السبب ديال تدريس الامازيغية لانه ماعندو تامعنى ' , ماغاديش نجاوب خليكوم قراو مقالات عصيد .
احمد عصيد وسط المخزن و فالمعهد الملكي , و نتاقد الملكية ماشي مرة ماشي جوج و نتاقد بن كيران فالجملة ديالو 'السوسي و بشحال ايعيش' و الفيدو قال بوووووم هههه , ماننساش ان احمد عصيد دار مناضرة مع الاسلاميين حول مفهوم الديموقراطية فالحراك الشعبي ديال 2011 ديال 20 فبراير لي كان فيه , و اكثر مناضرة مشهورة ديالو هي مع الشيخ العياش الفيزازي لي نساحب فيها خوفا باش لايشوقروه العشابة حول حد قطع اليد و راه كاين فيوتيوب .
احمد عصيد كايتلقا يوميا تهديدات بالقتل , و السب و الشتم و القدف من عند ناس ماعمرهوم سمعو ليه و ماعمرهوم فهموه للكلخ ديالهوم الزائد و اشهر جوج كلمات كايقول 'تقوووو ملحد , تفووووو علماني ' و كايعتابره انفصالي ديك الصورة النمطية العزوزية لي ماكانحملش , رغم انه من اكثر الناس تشبتا بتامغرابيت كما وصفها و كايعتابر المغرب كدولة اصلها امازيغي ماخصهاش تفرق , هاد السيد فالعام لي فات بان فبرنامج الاخ رشيد و هضر على تاريخ الامازيغ و الغزو الامبريالي العربي كيفما سماه و ملي حاول الاخ رشيد اينتاقد الاسلام و ايسميه غزو اسلامي و قفو عصيد و قال ليه هادو مغالطات و خصنا حنايا نحيدوهوم ماكانحربوش حنايا الاسلام بل كانحاربو التطرف لي كايمس بالحريات ديال الفرد .
للعلم فقط أحمد عصيد كايدافع على الحرية الفردية و العلمانية لانه كايستدل تاريخيا بلي الامازيغ رغم اعتناقهم الاسلام عمرهوم طبقو الشريعة الاسلامية و تعايشو مع اليهود و المسيحيين ..
ⵜoⴷⴻⵔⵜ ⵉ ⵜⵎⴰⵣⵉⵖⵜ ⵜⴰⵎⴰⵣⵉⵖⵜ ⵉ ⵜoⴷⴻⵔⵜ
