مريم بنصالح شقرون

جيت نعرفكم على مريم بنصالح أو الباطرونا.. هاد الخليقة من مواليد 1963 و ماخلات بوسط ف المغرب إلا و استولت عليه.. كادتعتبر أول امرأة تشغل منصب رئيسة الاتحاد العام لمقاولات المغرب.. هاد السيدة خدات ليسونص ف المدرسة العليا للتجارة ف باريس و موراه ماجستر ف إدارة الأعمال و التدبير و المالية الدولية ف جامعة دالاس عام 1986.. تعد واحدة من النساء الرائداااات ف المجال الاقتصادي.. بدات مسارها المهني ف الشركة المغربية للإيداع و القرض SMDC ضمن مصلحة السندات و المساهمات.. و ف 1989 التحقت بمجموعة هولمركوم.
أما بعد نخليكم مع بعض لي بوسط لي شاغلاهم أختنا في الله حاليا:
* المديرة العامة ديال شركة أولماس
*عضو مجلس بنك المغرب و رئيسة لجنة تدقيق الحسابات به
* عضو في مؤسسة محمد الخامس
* رئيسة المجلس الأورو متوسطي للوساطة والتحكيم
*عضو مجلس المجلس العربي للأعمال و منظمة الرؤساء الشباب و مجلس وكالة التنمية الاجتماعية
* عضو مجلس إدارة جامعة الأخوين
* وعضو مجلس إدارة مجلس الأعمال العربي
* عضو مجلس رجال الأعمال المغاربة والبريطانيين
* عضو في وكالة التنمية الاجتماعية و بزاااف د الهيئات و المنظمات المغربية و الدولية
انا تتعقدت و بغيت نعقدكم معايا  بون نوي