سبعطاش مور ألفين و باقي بنادم كيناقش العلاقات الغرامية و بالنسبة ليه هيا محور الإشكالات فالحياة ديالو و عليها كتبلور جميع الأفعال الإجتماعية و النفسية لي عايش فالظل ديالها ... طوب ديال النشوة الفكرية د بنادم هيا يبقى يحلل فالعلاقات و الحب و شنو كيعجب الولد و شنو مكيعجبش البنت و فين يقدروا يوصلو ... و هاد الفهامات د زب كاملا و فاللخر كلشي كتلقى عندو فكرة وحدة لي عيتوا تعملولا فروبلاي " الرجال ولاد القحاب غدارة و بدالة و إلا وقفتي معاه ووصل لشي حاجة غادي يسمح فيك و ينساك ... و النساء قحاب و ماديات و مكيناش لي توقف معاك و تكون السند ديالك و تعاونك تا تحققوا داكشي لي بغيتي " ... المسألة ككل كدور على واحد الحاجة مهمة فالعلاقات ... لي ماشي هيا الحب ( حيت هاد الكلمة فحالها فحال الميتنغ بجوج كيركبوا عليهم الحازقين باش يتحواو فابور) البؤرة ديال لي غولاسيون ولي حتا شي ولد القحبة ما قدر يوصل ليهم إلا قلة نادرة هيا " التضحية " .... يقدر يجي بنادم و يبقى طالق عليك الخيطانوس ديالو : انا كنبغيك ... نتا هو حب حياتي ... نموت عليك بلا بلا بلا .... و فأول طيحة و أول عقبة كتواجهكم كيقلوك سطوب سطوب وصلنا للطوب .... كيدير هروب مارك و كيخلي طبون مك سولو كونترا كلشي , كيتبخروا دك الأحلام الوردية و البلانات و كتلقى راسك امام الأمر الواقع هو أنك ضيعتي وقتك مع بندام مكناش كيستاهل فالأصل ... التضحية هيا كلمة كبيرة و هيا جوهر ديال العلاقات ... باش تلقى لي يشكلك النصف الثاني فحياتك و يوقف معاك فالحلوة و المرة و يعطي الغالي و نفيس من أجلك فواحد الغولاسيون فراه السطاج اللخر فلاموغ ... الأكثرية ديال عشاق أحلام مستغنماتي و لي مأثرين بدياسك ديال حسني كيقوليك بلي مستحيل تلقى شي طرف أخر بهاد الموصافات و لكن السؤال لي كيتطرح هو واش نتا فيك هاد المواصافات ؟ معرفتش كيفاش نشرح هاد النقطة و لكن انا عزاز عليا السبرديلات , نقدر نقولك بلي ربي خلقنا فهاد الدنيا فحال السبابط ... كاين مالايير الموديلات و ألالاف المقاسات و الألوان و الأشكال , تخيل راسك نتا فردة , باش طيح فالفردة ديالك لاخرا و تلقاها فهاد الدنيا فراه صعيبة شوية ... كلشي على الإختيار لا يعقل أنك فردة ديال كونفيرس و تدخل فعلاقة مع بلغة و منين توصل لحيط مصدود تصدم و تبقى توجع ... لا يعقل أن طالون فيه 43 غادي يبغي يضحي مع إيرماكسا فيها 38 ... را حاجة باينا بلي هادو مجرد علاقات عابرة ديال الضحك و تدواز الوقت , خليونا من هاد الهضرة ديال الخرازة و بصورة أوضح منين كنهضروا على إختيار ديال الشريك لي غادي تقرر تعيش معاه حياتك و تضحي من أجلو و يضحي عليك فراه باينا هادشي مغاديش تلقاه و نتا تلاقيتيها فباب ليسي و خديتي النمرة ... ولا نتي عرفتيه فالفايسبوك و بديتي تخرجي معاه , الإختيار ديال شريك الحياة و الحب الحقيقي كيجي صدفة ماشي تحت شعار " عجبتيني أختي و بغيت نتصاحب معاك " ... بلاما تسنى من وحدة دخلتي معاها فعلاقة بناء على الشكل الخارجي ديالها و الجمال أنها تضحي معاك و تعاونك باش تحقق الأحلام ديالك حيت نتا شفتي غير القشور و خليتي الجوهر ... بلاما تسناي واحد رضيتي تكوني معاه غير بناءا على المستوى المادي ديالو أنه ميجيش نهار و يبدلك بوحدة أخرى ... لي غولاسيون بين الطرفين را فحال السوكان , علاقة بين ولد و بنت هيا فحال شي طوموبيل , الراجل كيشد الفولون و الديريكسيون و البنت كتشد البواط فيتاس ... إلا كان الولد غادي مثبت و سطابل و عارف الطريق لي غادي فيها و شنو باغي و شاد لاغولاسيون مزيان فراه البنت لراسها غادي تبدى تدوز الفيتاس ... بورميرا , دوزيام , طروازيام و كدالك ... يعني تقدر تبدى مع البنت مجرد علاقة سطحية ديال معرفة من بعد أتولي صداقة من بعد إعجاب من موراها حب و تقدر توصل تال الفيطاس اللخر لي يقدر يكون هو الهيام ولا الزواج ... أما إلا مكانش واحد التناغم و التناسق و الراجل كيلعب شمال و يمين و خدام كيدريفتي و غا كيرون و البنت غا خدامة كدوز من ساتيام للمارشارير فراه الموطور غادي يتكولا اولاد القحاب و للأسف لي غولاسيون معندهمش ديباناج ... يا توصلو فين بغيتوا بجوج يا تهبطوا ديرو أوطوسطوب و كل واحد يركب مع شريك واحد أخور ... منين تاخد البرمي و تولي حرايفي دك الساعة عاد من حقك تشوف لي يضحي معاك و تفيزي بعيد , تقدر تكون عندكم غولاسيون مقودة فحال رانج روفر و لكن معندكمش المازوط لي هو " التضحية " بجوج بكم واعيين و زوينين و مثقفين و ملعقين و مفاهمين و لكن معندكمش واحد القابلية أنكم ضحوي مع بعضكم ... كل واحد اناني فالدات ديالو و لا رامي الحمل على الطرف الأخر ... كون على يقيني أن هاد رانج د زبي غادي تبقى فالباركينغ , هادشي علاش كتلقى شي كوبلات غريبين و مفاهمين , دك الخيابع ديال لافاك لي ديما مع بعضهم و عايشين لاموغ ولا دك المشرملين لي كيموتوا على بعضهم و مكتفهمش هادو علاش كتصدق ليهم و نتا لا ... حيت الحمار راه هادوك واخا كوبل ديال فحال " إيركاط " و لكن را عندهم المازوط ... شادين الطريق و غادين يحققوا لوبجيكتيف ديالهم بجوج ... وصلو للب ديال لاموغ لي هو التضحية ... كتلقاهم بجوج مدوزين القوادة ديال القوادة و صبروا مع بعضهم ... العشرة ديالهم كانت مبنية على الصح قبل حتا ما تجمعهم غولاسيون أموغوز ... كنتي مسلم ولا كافر فراك غادي تكون كتأمن بالأية القرأنية " الطيبيون للطيبات و الخبيثون للخبيثات " (عارفين التفسير ديال الأية ماشي هو ضمنيا المعنى ديالها ... انا قصدتها من المعنى اللغوي و صافي ) ... كون مقود باش طيح فطرف أخر مقود فحالك ... و فالأخير تحية للناس لي لاعلاقة بهادشي وعايشين بيس فحالي كنبغي نقلوكم تا حب الوطن من الإيمان .
