الجزء الثاني
جلس حدايا وقالي مالك؟؟ استغربت لهاد السؤال وتا ديك طريقة اللي تحاور معايا. انا زدت خفت وبقيت تانرجف وماقادا نهدر وهو يزيد يكمل هدرتو قائلا انا جييت نطمن عليك شفتك بوحدك قلت هادي هي الفرصة نتقرب ليك ونشوف مالك. صراحة هادي شحال وانا كانبغي نجي لعندك ولكن ماكاتخليليش الفرصة نجي. تحاور معايا مزيان وانا بقييت غي ساكتة جمدت في بلاصتي من كثرة الخوف حيت فاقدة الثقة في كلش مهم تقول كنت في شي استجواب تلفزي مع الأنا ديالي. سولني كاع اسئلة. بحال: شنو بغيتي فهاد دنيا؟ شكون نتي بعدا؟ كاتعرفي راسك؟ كاتعرفي قيمتك؟ انتي حرة او سجينة اوهامك؟ شنو كاتكرهي وشنو كايعجبك في راسك ؟ شناهوما أحلامك؟ شناهوما مبادئ ديالك؟ فاش كاتآمني؟؟ راسما شي دائرة خاصة بيك؟ كي دايرة بعدا هاد داىرة اللي باغة تعيشي فيها؟ مرتاحة فديك داىرة اللي راكي فيها حاليا؟ نتي قوية ولا ضعيفة؟ نتي جرييئة ولا جبانة؟ نتي فيك الكذووب؟ عندك شي أهدااف ؟ شكاتخربقي حاليا؟ عندك شي دوافع باش ديري داكشي الي باغا ولا زايدا غي القدام؟ واش نتي سيدة نفسك ولا عبدة نفسك؟ واش كاتختاري ولا كايخيروك؟
سكت وبقى تايشووف فيا لقااني غارقة في دموعي وماقادة نهدر وكثر عليا الأسئلة فواحد اللحظة بغا يزيد يهدر وانا نوقفو بالغواات دياالي بقييت تانغوت بالجهد وكانقول بأعلى صوت آه انا ضعييفة وكانوهم رااسي. آه أنا غبية وساذجة آه أنا ميتة داخليا وماعندي تا شي معلومة على شنو كانديير فهااد دنيا وما عارفة راسي من رجلياا باغا نموووت أنا باغا ننتاااحر أنا ونتهنى من هادشي كااامل . علاااش أنا ديما تايديرولي هكا علاش أنا شخصيتي ضعييفة علاااش أنا مانقدرش نكوون داكشي اللي بغييت. تفو أنا كرهت كلش وعنقت الأنا ديالي بالجهد وبقييت تنبكي وهو غي كايسكت فيا. من بعد هاد الحادثة صبحت غي ساكتة ماكنتكلم مع حد من غير العادة بحكم أنا كانهدر بزااف وكاتعجبني الهدرة. ولكن لا جدوى بنادم تايهدرني وانا ماتنجاوبش ولا جاوبت كانبقى نزگي. كانحس بلي کع نااس كايستافزوني بزااف. ماكنقدرش نستحمل بزااف د لحواايج.
عااانيت بزااف وكانفقد أعصابي بسهوولة لاتفه الأسباب بحال الا شي واحد جالس حدايا كايصدر أصوات وهو تاياكل محتمل نضربوو . وكاندابز مع ساروت الا تعكس ومابغااش يحل الباب مع العلم أنا اللي شادة سااروت تقنيا كنت كانادبز مع رااسي معاندة راسي ماحاملاش راااسي بالعربية باغا نخرج داك أنا من أنا ونولي شي واحد آخر. جاني إكتىااب حااد . تا حاجة مامعمرالي عيني . تا حاجة ماعاجباني فهاد دنيا جربت بزااف ووالو. سافرت تعرفت على ناس جداد ووالو تا حاجة ماعندها قييمة بالنسبة لي كانحس الأرض ماكدورش واقفة في وسط الطرييق وأنا ماكانبانش وتاواحد مامسوقلي وأنا تا حاجة ماكتأثر فيا تا ديين ديالي مابقى يأثر فيا خاولت نسمع قرآن علا وعسى نرتااح ووالو. موسيقى سمعتها بأنواعها تفرجت في جمييع الأفلام . مارست الرياضة وتقوول باغيا ديك الحفرة الخاوية تعمار ولا تمشي. أنا كارهة أنا. أنا حاقدة على أنا.بقييت هكا لمدة طوييلة يزااف. متشاائمة لمستقبلي حتى لواحد نهار فين غانعرف واحد الحاجة اللي غاتقلب ستة لتسعة ...
الجزء الاول : https://goo.gl/yDLOmN
جلس حدايا وقالي مالك؟؟ استغربت لهاد السؤال وتا ديك طريقة اللي تحاور معايا. انا زدت خفت وبقيت تانرجف وماقادا نهدر وهو يزيد يكمل هدرتو قائلا انا جييت نطمن عليك شفتك بوحدك قلت هادي هي الفرصة نتقرب ليك ونشوف مالك. صراحة هادي شحال وانا كانبغي نجي لعندك ولكن ماكاتخليليش الفرصة نجي. تحاور معايا مزيان وانا بقييت غي ساكتة جمدت في بلاصتي من كثرة الخوف حيت فاقدة الثقة في كلش مهم تقول كنت في شي استجواب تلفزي مع الأنا ديالي. سولني كاع اسئلة. بحال: شنو بغيتي فهاد دنيا؟ شكون نتي بعدا؟ كاتعرفي راسك؟ كاتعرفي قيمتك؟ انتي حرة او سجينة اوهامك؟ شنو كاتكرهي وشنو كايعجبك في راسك ؟ شناهوما أحلامك؟ شناهوما مبادئ ديالك؟ فاش كاتآمني؟؟ راسما شي دائرة خاصة بيك؟ كي دايرة بعدا هاد داىرة اللي باغة تعيشي فيها؟ مرتاحة فديك داىرة اللي راكي فيها حاليا؟ نتي قوية ولا ضعيفة؟ نتي جرييئة ولا جبانة؟ نتي فيك الكذووب؟ عندك شي أهدااف ؟ شكاتخربقي حاليا؟ عندك شي دوافع باش ديري داكشي الي باغا ولا زايدا غي القدام؟ واش نتي سيدة نفسك ولا عبدة نفسك؟ واش كاتختاري ولا كايخيروك؟
سكت وبقى تايشووف فيا لقااني غارقة في دموعي وماقادة نهدر وكثر عليا الأسئلة فواحد اللحظة بغا يزيد يهدر وانا نوقفو بالغواات دياالي بقييت تانغوت بالجهد وكانقول بأعلى صوت آه انا ضعييفة وكانوهم رااسي. آه أنا غبية وساذجة آه أنا ميتة داخليا وماعندي تا شي معلومة على شنو كانديير فهااد دنيا وما عارفة راسي من رجلياا باغا نموووت أنا باغا ننتاااحر أنا ونتهنى من هادشي كااامل . علاااش أنا ديما تايديرولي هكا علاش أنا شخصيتي ضعييفة علاااش أنا مانقدرش نكوون داكشي اللي بغييت. تفو أنا كرهت كلش وعنقت الأنا ديالي بالجهد وبقييت تنبكي وهو غي كايسكت فيا. من بعد هاد الحادثة صبحت غي ساكتة ماكنتكلم مع حد من غير العادة بحكم أنا كانهدر بزااف وكاتعجبني الهدرة. ولكن لا جدوى بنادم تايهدرني وانا ماتنجاوبش ولا جاوبت كانبقى نزگي. كانحس بلي کع نااس كايستافزوني بزااف. ماكنقدرش نستحمل بزااف د لحواايج.
عااانيت بزااف وكانفقد أعصابي بسهوولة لاتفه الأسباب بحال الا شي واحد جالس حدايا كايصدر أصوات وهو تاياكل محتمل نضربوو . وكاندابز مع ساروت الا تعكس ومابغااش يحل الباب مع العلم أنا اللي شادة سااروت تقنيا كنت كانادبز مع رااسي معاندة راسي ماحاملاش راااسي بالعربية باغا نخرج داك أنا من أنا ونولي شي واحد آخر. جاني إكتىااب حااد . تا حاجة مامعمرالي عيني . تا حاجة ماعاجباني فهاد دنيا جربت بزااف ووالو. سافرت تعرفت على ناس جداد ووالو تا حاجة ماعندها قييمة بالنسبة لي كانحس الأرض ماكدورش واقفة في وسط الطرييق وأنا ماكانبانش وتاواحد مامسوقلي وأنا تا حاجة ماكتأثر فيا تا ديين ديالي مابقى يأثر فيا خاولت نسمع قرآن علا وعسى نرتااح ووالو. موسيقى سمعتها بأنواعها تفرجت في جمييع الأفلام . مارست الرياضة وتقوول باغيا ديك الحفرة الخاوية تعمار ولا تمشي. أنا كارهة أنا. أنا حاقدة على أنا.بقييت هكا لمدة طوييلة يزااف. متشاائمة لمستقبلي حتى لواحد نهار فين غانعرف واحد الحاجة اللي غاتقلب ستة لتسعة ...
الجزء الاول : https://goo.gl/yDLOmN
Tags:
شارلي
