أحسن نظام غذائي باش تتهنى من الدهون

هاد النظام يخليك دير وقيتة محددة ديال الماكلة
لاحقاش هاد الفطور و الغدا و العشا ماشي ضروري غير حنا درناهم كوجبات اساسية ، راه الانسان العادي وجبة كل يومين كاااافية ليه
و الماكلة خاص تكون صحية و نحاولو ما أمكن نخليوها طبيعية واخا قليل فين كاتلقى شي حاجة طبيعية %100
راه بنادم ملي يفيق و هو يمدغ ...يمدغ...يمدغ
وا بزاف
الى فتارضنا انه انسان عادي فاق و فطر مع السبعة و كمل نهارو و مع العشرة عاود كلا شي حاجة فالدار ولا على برا و هاهي وصلات طناش و خاصو يتغدا و مورا لغدا ماتوصل الربعة ديال لعشية حتا تبانلو يگوتي باتاي ولا قهوة هادشي الى ماكلاش شي حاجة مابين لغدا و الگوتي و حنا لمغاربة ارا برع مع الگوتي ماكان غي الحرشة و المسمن و الگاطو و يزيد يكملها بالعشا مع التسعة ولا العشرة ويلا كان قصار اوا نوووورمال راه يمدغ شي حاجة يتلاها بيها
الى جينا نحسبو للأغلبية ديال الناس
كايبداو الماكلة من السبعة ديال الصباح حتى للعشرة ديال الليل
وا 15 خمسطاااش لساعة يا سيدي ربي
علاش هاد الجسم غادي يحرق الدهون و نتا غير كاتعطيه فالماكلة
هاد النظام منين كاديرو كاتقلص هاديك 15 لساعة باش تولي غير 7 سوايع
يعني ف سبعة سوايع تاكل گاع المأكولات الصحية و المفيدة للجسم بكمية معقولة طبعا مهم تاااا تشبع مع راسك
مثلا تبدا تاكل مع 11:00 النهار و تحبس مع 18:00
ماترجع تاكل حتى للحداش ديال غد ليه
و خارج ديك 7 سوايع مسموح لك تشرب الماء و القهوة بلا سكر و اتاي بلا سكر ...
و تبقا على هاد النظام و زايد و تنقس من ديك 7 سوايع تا تردها ستة و نص و ستة موراها خمسة و نصو خمسة موراها ربعة و نص حتى ترجعها 4 ربعااا ديال السوايع
صافي هنا حدك الى باغي تبقا محافظ على الكتلة العضلية
و بطبيعة الحال مانشقاش نوصيك على انه السكر و الملح و العسل ديال الحانوت و الكونفيتير و الزبدة ديال الحانوت و الشيكولا بعد عليهم
و حاول تاكل اقل كمية من الخبز و المسمن و الحرشة
و عوضهم بالقمح الطبيعي و الشوفان و الارز و ...
الناس المعگازة لي كاتشرب الموناضا و العصير ديال الحانوت نبغي نگولكم راكم غير تخرخرو
راه 10 دراهم سير جيبها فواكه و عتق عمرك حسان ليك
نزيدك حاجة النظام الغذائي بوحدووو ماغاديش يعطيك الفورمة لي باغي
دير شوية تمارين رياضية ماتبقاش غي ناعس
اشمن فائدة عندك الى كان عقلك خارق و جسمك خاري