مثلث برمودة

كالعادة التخريفات التخريفات التخريفات بنادم كايسمع جوج هضرات من واحد ضيجا سامع جوج هضرات و كل واحد كايزيد البزار على داكشي لي قرا و كل يلغي بلغاه .
ها لي قال 'عرش الشيطان' ها لي قال 'بوابة سكان جوف الارض' ها لي قال 'اطلانطيس' (غادي نهضر عليها) و صحاب 'المؤامرة' بانت و قالت راه تما فين كاينين الجنون و المسيح الدجال , كل واحد اشتايسمي ديك البلاصة , مي عمر شي حد خدم عقلو و قال 'واش دابا حنايا بهاد العصر ديال GPS و الاقمار الصناعية و google map لي اي واحد ممكن ايدخل ليه و العلماء دارو تيليسكوبات كايشوفو بيهوم فوهات د براكين فالمريخ و الزهرة و حنايا هنايا واحلين مع مثلث , واه مايمكنش !
القصة بدات باختفاء واحد السرب ديال الطيارات ف 1945 ماعمر شي حد هضر على هادشي قبل من 1945 .
غانخدم الجغرافيا تاني , و غانقول ليكوم المثلث فيه تقريبا 60 0000 الف كيلومتر مربع و شاد من ميامي (مدينة الاحلام) لبورطوريكو لجزر برمودا .
تشارلز بيرليتز واحد الكاتب رغم انه ماشي اول واحد دوا عليها لكن هو المشهور كاع قال بان خفر السواحل دارت 8000 نداء استغاثة تعطى من ديك المنطقة ...
هاد المصدر لي غادي نحط هو ديال خفر السواحل الامريكي ينفي بالحرف انه داكشي لي قال داك خونا و ان المنطقة عادية ملي كايكون المناخ عادي , اصلا الساحل الشرقي ديال ميريكان كاملو كايكونو فيه اعاصير موسمية و هو شيء عادي بزاف ..
(http://www.uscg.mil/history/faqs/triangle.asp ) .
, و خصكوم تعرفو بلي الكتاب ديالو ديال The Bermuda Triangle تباع فيه فيه 20 مليون نسخة و تترجم لاكثر من 20 لغة , طليت على البيوكرافي ديالو لقيتو حاصل على شهادة اللغات واعيباد الله اشقربو لشي مناخ ولا شي فيزياء و لا شي ملاحة ..
الامر ديال مثلث برمودا و ما فيه هو أنه كان سرب مكون من طيارات عندهوم اونطريما , القائد (تشارلز تايلور ) خسرات ليه البوصلة ديال الطيارة و هو الوحيد لي كانت عندو ديك البوصلة , فكانو غاديين مجليين فالبحر و مجلوقين و تقاادا ليهوم الوقود و طاحو فالبحر , اما واحد الطيارة من طائرات ديال الانقاد لي تفركعات بعدما طلعات للسما راه كان عندها مشكل فقط فالمحرك ..
الماباقي كامل راهو ترهات ديال المنتديات الاسلامية بالخصوص باش اياكدو بلي كاينة قوة خارقة العلم ماقدرش ايفسرها , اشبيتو نفسرو كثر من هكا اولاد العبد بيتو نفسرو شي حوايج ماوقعوش او شي حاجة ماشي طبييعية لي هي اصلا ماكايناش ؟
هادا هو عائض القرني و هو كايهضر و طالق الغولة ديالو على هاد العجب لي اصلا غير كدوب .
https://goo.gl/u5xCGj