شد طريق

كولشي باغي اوصل كولشي كيقول غادي نتقاتل على الحلم نطيح ونوض واخا نكون بوحدي واصلا مغدي نحتاج حتى واحد اكون معايا .. غادي نموت على قبل الهدف و المهيم اكون عندي شي حاجة نضحي على قبلها فهدا الحياة .. و نعيش كيف مبغيت و ندير لي بغيت نكون انسان مرتاح و كنحس بالحرية كتجري مع عروقي و نرجع الحرية من داك شيى الغير ملموس الى شيى شادو بين اديا و معنقو ..اي بنادم باغي اعيش هاكا و حسن كااع .. كيرسم بداك القلم على ورقة جميع احلام ديالو كيف ما بغى بدون قيود ولا قوانين تمنعو ولا تقاليد يخجل منها و كيحطم جميع الجدران .. كيحط راسو باش انعس ولكن العقل كيسرح بعيد في حقل الاحلام و ميقدرش اتحكم في العقل ديالو باش اكبح دوك الاحلام الانه اجمل شيى كيدوز ف داك اليوم الممل و لي كان بحال جميع الايام ..

باش توصل .. اول حاجة ريحة مع راسك بعد على بنادم .. و متسنى من حتى واحد اعونك وخا اكون ولدين ديالك و حتى دولة نساها .. قول اش باغي من هدا دنيا واشنو الهدف ديالي؟ و حيد داك الغطاء ديال العدمية وخود غطاء جمال هده الحياة .. كيف مكان الحلم ديالك تمسك بيه وااخا اكون حقير ف عين شي ناس و حتى انت معمرك تضحك او تحتقر ولا تصغر من احلم الاخر .. و نصيحة حلمك خاليه بينك و بين روحك متعاود لحتى واحد واخا اعز الاصدقاء او حتى العائلة.. خاليه ف الداخل ديالك دفنو حتى لواحد نهار ورجعو للحياة و كولشي اشوف ديك المعجزة لي خرجات منك نتا ..
سير شد ورقة كتب فيها 25 هدف باغي توصل ليها ف هدا الحياة .. مع الوقت بقا كل مرة تشطب على حاجة من دوك 25هدف .. حتى ابقاو 5 اهداف ديك ساعة هز سلاح ( سلاحك اقدر اكون : كتاب .. ورقة و ستيلو .. بيسي.. كاميرا .. كيتار ..ميكرو .. ليكات ديال بوكس .. كورة ..) و حاول تقاتل على دوك 5 احلام لي خليتي ولي تعيش على قبلهم و لي تفيق كل صباح على قبلهم فين تبغي تنعس حطهم فراسك و موت عليهم .. و سد عنيك و متسمع لحتى واحد و شد الطريق لي غادي تكون طويلة و شبعانة حفاري و مضلمة نتا راه مغديش اكون عندك ضو .. اما الى كان عندك ضو نسى هدا شي لي قرتي .