عبير عجائب الدنيا السبع تعبير شااااائع، و كايتستعمل بزاف، فالمقابل عدد كبير مهارفش أن لي حاسبينهم حنا من هاد العجائب كايسماو العجائب الجديدة و هوما زايدين على السبعة الأصليين، فهاد المقال غادي نحاول نعطي معلومات بسيطة و باختصار على كل أعجوبة و بالترتيب:
1) أهرامات الجيزة
كيما هو معروف كاينة فمصر و تبنات جوايه 2690 قبل الميلاد ( ق.م) ، و هي مكونة من تلت أهرام ، الاول بناه الفرعون "خوفو" و فيه 147 متر ديال لعلو، الثاني بناه الفرعون "خفرع" فيه 136 م ، والتالت بناه الفرعون " منقرع" فيه 620 م فلعلو. و على خلاف مجموعة من العجائب لي غانشوفوها، أهرام الجيزة باقية قائمة لحدود الساعة.
------------------------------------------
2) منارة الإسكندريّة
بناها "سوسترات" فعهد "بطليموس الثاني" عام 270 ق.م ، كان فيها 120 مترو ديال لعلو ، و للأسف مابقاتش قائمة، ولكن تهدمات بسباب زلزال كان فعام 1375 م .
------------------------------------------
3) حدائق بابل المعلقة
كايرجع عمرها ل 600 ق.م ، و كايقولو أن " نبوخذنصر" هو لي بناها، و تسمات بالمعلقة حيت عالية على الأرض بين 23 و 92 متر على الأرض، و للأسف كذلك حتى هي انداثرت و مابقاوش ليها ءثار واضحة.
------------------------------------------
4) تمثال رودس العملاق
ندار عام 280 ق.م فاليونان،. هو تمثال ضخم بمعنى الكلمة ، تبنى على جزيرة رودس، فيه 32 مترو ديال لعلوا و تهدم بسباب زلزال.
------------------------------------------
5) تمثال زيوس
تنحث فاليونان عام 450 ق.م ، مصنوع من لخشب المكسي بالعاج، لعلو ديالو هو 12 لميترو و تدمر نتيجة لحريق.
------------------------------------------
6) هيكل ديانا ( أريتيميس )
تبنى هاد المعبد المشهور فآسيا الصغرى، تركيا، حرقو "إيروسترات" عام356 ق.م فالليلة لي تولد فيها الإسكندر الكبير ، و تعاودلو لبني عام 350 ق.م ، تدمّر بسباب الهجوم ديال القوطيين عام 262 ق.م . باقي أجزاء منو فالمتحف البريطاني، البعض منو تستعمل ف لبني ديال كنيسة القديس يوحنا ف أفسس، و أجزاء أخرى تستعملت فلبني ديال كنيسة القديسة صزفيا ف إسطنبول.
------------------------------------------
7) ضريح هالكارناس
هو واحد المدفن عظيم بناتو "أرتميس" ملكة كاري لراجلها و خوها " الملك موزول" ، عالي 42 ميترو ، كايحتافظ المتحف البريطاني و مدينة بوردوم ف تركيا بإجزاء منو.
------------------------------------------
كاين عجائب أخرى فالدنيا ولكن ماعندهم علاقة بعجائب الدنيا السبع كيفما كاظن الأغلبية، هي معروفة حيت كانشوفوها حدانا و كزنها مامحسوباش من ضمن العجائب السبع ماماينفيش الجمالية و الروعة ديالها نذكروا منها : صور الصين العظيم، برج إيڤل، برج بيزا المائل، تاج محل، صخور هنج و مبنى أمپاير ستايت لي ممكن نعطيوهم حقهم فمقال آخر.
نتمنى يكون المقال قرب الصورة و حايد اللبس المتداول و الخلط لي واقع فقضية عجائب الدنيا السبع.
