مغالطات حول تركيا و أردوغان

المقال لي ف الصورة نشرو واحد الأخ و لي هو مقال مليء بالمغالطات الاقتصادية و الاجتماعية .. هاد المقال معروف منذ مدة يتم نشره في مواقع التواصل الاجتماعي و لكن المشكل انه عامر باساطير و معجزات لا يمكن حدوثها في العالم الواقعي و كلشي هادشي من أجل إظهار تركيا في فترة قائد الامة الاسلامية " الخليفة اردوغان "على انها دولة تقدمت بطريقة لا مثيل لها و تفوقت حتى على الدول الأوروبية
انا ايضا فواحد الوقت كنت كانقوم بنفس الشيء و كنت كانشر هاد المقال و أظن أنه حقيقة و أي واحد بغا يصحح ليا كانردو عدو و انه خاطئ و لا يفقه شيء فهاد الكلام و عندو عقدة من الاسلام و الخليفة اردوغان .. المشكل انه هاد المقال منذ أول مرة تنشر في المواقع التواصل الاجتماعي لي سول على المصادر ماكاتلقاش جواب .. لماذا ؟ لأنه ببساطة خرافة و لا علاقة الواقع الإقتصادي د تركيا بهاد المغالطات الاسطورية .. و فاش كانخدمو العاطفة كيما معروف علينا دائما كانوليو غير كانشريوو و كانكحو العلم ..
المهم بما ان هذا اختصاصي و كناا لمدة مهمة فمادة الاقتصاد العام كانديرو مقارنة الاقتصاد التركي بالمغربي و تطوره .. غادي نبداو بتصحيح المغالطات ..
و غادي نبدا اولا الناتج المحلي الاجمالي (PIB) ديال تركيا ف 2015هو 733 مليار دولار و ماشي تريليون و مائة دولار ..
الخطأ الآخر ماعمر تركيا مكانت في ف المركز 111 اقتصاديا في عهد اردوغان راه اوروبا قبلت عضويتها للدخول في 1999 و ماكاانتش فهاد المركز لي ذكرتي الفوق ف 2007 كانت 17 و اليوم ولات 18 يعني كاين تراجع ههه .. الخطأ الآخر مطار اتاتورك هو 9 في أوروبا و ماشي الاول ... معدل الدخل الفردي رااه غير نسبي ماشي حقيقي راه يتم تقسيم الناتج المحلي الاجمالي على عدد السكان و ماشي المواطن لي كايشد ديك 11 الف دولا و بالضبط 10721 دولار هو معدل الدخل الفردي ف تركيا و بالمناسبة تركيا هي الرقم 61 فييه عالميا و هادو احصائيات د 2013 و فرنسا في الرقم 20 مافايتاهاش تركيا ( منين جابو هاد الارقام الله اعلم هههه) ..
-عندما اشتدت الازمة لم تقم الجامعات الاوروبية برفع اي مرسوم على الدراسة لان التعليم و الصحة مجاني عندهم و امريكا منذ القدم و التعليم خاص عندها ها هو خطأ آخر ..
خطأ آخر و ليي فاادح جداا لي هو البطالة ف تركيا كانت في 2004 كاتساوي 10% وولات في 2010 تقريبا 14% و اليوم 10.5% و ماشي داك الرقم الخيالي من 30 ل 2% ههه هادي راه ماعمرها كانت ف شي دولة .( كون سمعها كينز او ادم سميت او كالدور كون علنوا البيعة للخليفة اردوغان) . و معلومات اخرى خاصنا نعرفوها ان نسبة التضخم في تركيا تساوي 9% و هادي من اصعب المشاكل الاقتصادية لي تقدر تعاني منها الدولة ..
-و The world Economic forum يضع تركيا في المرتبة 131 من بين 144 دولة في كفاءة سوق العمل..ديونها الخارجية تقترب من 400 مليار دولار أي حوالي 50% من الناتج المحلي الإجمالي.. les IDE الاستثمار الخارجي المباشر هبط من 22 مليار دولار الى 12 مليار دولار ..
هاد التقدم الاقتصادي راه بدا من الثمانينات بعد الاطاحة بالحكم العسكري و ف 2001 وقعاات ازمة خطيرة تركيا ادت بها الى تغيير العديد من السياسات و تدخل صندوق النقد الدولي و البنك العالمي عطاو اجراءات مهمة باش تبعها تركيا باش تخرج من الازمة و تكمل التقدم الاقتصادي ديالها و لي تابع ل نظام "اقتصاد السوق" و من اجل الدخول للاتحاد الاوروبي و هادشي لي ماوقعش بسبب مشاكل سياسية دخل فيها اردوغان و لي وصمة عار اليوم على تركيا و العديد من المفكرين السياسيين من الطراز الكبير من امثال تشومسكي و جيجك ( نتاقدو تركيا و اغتبروها دولة دكتاتورية اليوم ) .. اردوغان سياسيا طبق الميكافيلية و وصل للرئاسة و اصبح يحاول اقامة الخلافة و بغا يبدل قيم تركيا العلمانية و الدستور العلماني من هادشي لي دار انه كايقمع و يقتل في الاكراد و مانعهم من حق تقرير المصير .. عملية التطهير لي قام بها و بدا كايشد اي مخالف له في الفكر و اي صحيفة مخالفة كايقوم باغلاقها و سجن اعضائها .. يقوم بسجن امناء احزاب معارضة مهمة ف تريكا .. اعادة الانتخابات من اجل الاغلبية باش يتمكن من تغغيير الدستور التركي , سجن الاساتذة و الصحفيين و المفكرين و جميع الموظفين الحكوميين المخالفين له و دعم الاخوان المسلمين ( الجماعة الارهابية ) ..
و هادشي كامل كايقوم به من اجل الانفراد بالعرش و محاولة اقامة خلافة اسلامية ف تركيا و هادشي لي هنتغتون تنبأ به من قبل على تركيا و قال انه بعدما غادي يخوي بها الغرب من الانضمام للاتحاد الاوروبي غادي تدور للشرق و تحاول تكون هي مركز العالم الاسلامي ..
ارجو ان يتفهموا هادشي الناس و يعرفوا انه انا ايضا كنت كانشر هااد المقال لي كايتنشر دبا منذ سنوات لانه دائما منتشر بكثرة في الفايسبوووك و كانظن انه حقيقة.. اما الحقيقة هاهي و بالمصادر الاقتصادية العالمية و التركية هي هادي و راه مكاينش لاش غادي نكذب .