الذكر كان أنثى من قبل ؟

فخبارك عزيزي الشارلي الذكر أنك كنتي أنثى من قبل ؟ بعدا بلا متكعا و تبدا تعربط يحسابك واش كنعاير فيك نن و أستهين ب الفحوله ديالك و لا ماعرت اشنو
يا سيدي العيلم تيقولك أنو ميلي كتلقح البويضه ف الرحم باش تنقاسم و تكاثر و تعطي واحد الجنين .. و إلى غاية الاسبوع السادس من هاد التكون.. الاعضاء الجنسيه كتكون مازاال متكونات يعني باش غتقدر تفرق بين بنت و ولد ... فهاد المرحلة بالظبط هاد الانانيش تيكبرو بنفس الطريقه محيت كيكونو مازال متعرفو على الكروموزوم Y ديال الدكر و X ديال الأنثى ..
أطط نزيدك واحد المعلومة خفن زربن .. عمرك سولتي راسك علاش الرجال عندهم ثدي ؟؟ حلمات ؟؟ . وا هو دبا باين علاش المرا عندها محيت را كتعتابر من الثديات و الغرض هو ترضع ولدها (كاين حالة أخرى ولاكن نن منقولهاش +21)َ
 إوا و الراجل علاش ؟؟ وا دبا هنااا فين غادي ترجع لهاد شي لي قلته لفوق ...ف ديك 6 ديال الأسابيع لولى من الحمل كيكبرو بنفس الطريقه هي كيكبر عندها ثدي و حتى هو كيكبر عندو ثدي ولاكن ميلي تيبدا يبان الكروموزوم صافي هنا حبس المرقه ..عند الراجل مكيزيدش يكبر ..عكس المرأة لي ف فترة البلوغ داك شي كيدير التوسع الجغرافي ...و لاكن كاين بعض المرات شي رجال تتلقى عندهم صدر بحال شي مرا و هادي كتكون حالات مرضيه و كتسمى ب Gynecomastia
يعني من لخر أ حبيبي الشارلي ف فترة العيش ديالك كوووولها و نتا ذكر راك عشتي فيها فترة 6 ديال الأسابيع و نتا أنثى