واش فعلا هبط نيل أمسترونك على القمر

اليوم جيت ندوي ليكوم على المؤامرة ثاني و هاد المرة واش فعلا هبط نيل أمسترونك (اللي مات ف 2012) على القمر ؟
نيل امسترونك هو البداية د شي حاجة كبيرة بزاف , هو والطاقم ديالو مهدو لغزو الفضاء يعني انه فعليا الحياة خرجات من المجال ديالها اللي هو حي , الحياة استاطعات انها تخرج من الغلاف الجوي و الكوكب و تشوف الكون كما هو .
15 فبراير 2001 غادي تعرض واحد القناة سميتها (Fox) واحد البرنامج سميتو نظرية مؤامرة: هل هبطنا فعلا على القمر؟
هاد البرنامج كاي شخص ماعندوش خلفية علمية و لا حتا شي دراية بابسط علوم الفيزياء و لا الفلك راك غاتفرج فيه غادي تكيد أصديقي بالرجولة لانه برنامج دايراه قناة بنت الحقبا من قيمة فـوكس .
باش نختاصر و نعطيكوم المفيد صحاب نظرية المؤامرة كايقولو بلي ميريكان ماطلعاتش للقمر فعلا و دارت داكشي مفبرك كيفما فبركات بلي لقاو كائنات فضائية ضدا فالاتحادا السوفيتي يامات الحرب الباردة و كاينين عندهوم دلائل .
اول دليل و اشهره هو انه علاش العلم ديال ميريكان كايتحرك فالفراغ ياك القمر مافيهش هواء و جادبية كيفما كايبان فالتصاور , كرد سهل و صغير :
اي واحد كايقول هاد الدليل ماتفرجش فالفيديو و ماعندوش دراية بتاتا :
(هاك الفيديو ) : goo.gl/8ZH9ef
راه العلم عندو شكل ثابت r ماكايتحركش أصلا راه ايلا بانو ليك التموجات راه غير شكل ديال العالم باش تبان فيه شويا دالجمالية و صافي اما فاليديو راه ماكايتحركش ثاني وحدة كايقول ليك شوف اسيدي التصاور راه ماكايننش نجوم و القمر مافيهش ضبابة و حنا فالفضاء ضونك النجوم خصهوم ايبانو
باش تبين النجوم أصديقي فستوديو راه سهل من شريب الما ههه , اذن راه شيء يثبت الصحة ديال هاد المقطع د الفيديو , و كون بانت كون بانو الناس المصورين و قالو هادشي مفابريكي بزاف , و الدليل هو ان النجوم مابانوش و السبب هو ان السرعة ديال 'الفالق' (ماعرفتش سميتو بالفرونصي) , سرعة عالية بزاف بسباب كاينة اشعة شمس مجهدة بزاف و باش تبين داكشي لي خصو ايبان خص ايكون غالق بطيء بزاف , و نتمنى فعلا شي فوطوكراف بروفيسينويل ايشرح هادشي لانني قريتو بلونكلي وفهمت الفكرة و مانتمناش التعبير ايكون خانني و باش تفهم هاك تصويرة ديال كوكب الارض فالفضاء و النجوم ماكايبانوش راها مع التصويرة ديال لارطيكل 

أخيرا قال ليك اسيدي علاش فاليديو رواد الفضاء كايبانو مزيان فالضل ؟
ياك ماكايناش تما الشمس ؟
الجواب علمي مقاود شويا خدم معايا عقلك :
على حسب ما قريت ,التربة ديال القمر عندها قابلية لعكس اشعة الشمس عكس ديال كوكب الارض بحال الزجاج , السبب ديالها هي نيازك ضربو القمر ديالنا و كنتيجة الجوانب المضلمة ديال القمر ماكاتكونس كاملها مضلمة , و بعبارة اخرى القمر كايعكس 10 فالمية ديال الاشعة د الشمس .
(ضونك القمر مراية د الارض داكشي علاش بان فيه سيدنا الخامس الله اينصرو ) .
أغلب الصور الاخرى هي عبارة عن صور مقطعة فالفيدو , مرة تاتلقا تصويرة مافيهاش ضل و هو راه كان كاينقرز مرة تالقى العلم فشكل و مقادينو الخوت فطوشوب .
بعد المرات تايجيني راصي واش التأويلات ديال صحاب المؤامرة (ماشي غير عريبان) فيهوم ذكاء غبي , علاش مايوضفش بنادم داكشي لي عندو فشي حاجة واقعية , تاحد ماتايتامر عليك لانه ماعندك تاحاجة لحد الان.
و كالعادة غانكمل بحال المغاربة اللاوعلم واش هادشي كاين اولا لا , و لكن غايبان ملي غادي تكون رحلة للمريخ حيتاش بنادم غايسد فمو بالبيان ديك الساعة .
هاكو فيديو مزيان بالانجليزية و مقال كامل مكمول.
الفيديو https://youtu.be/1wcrkxOgzhU
المقال اللي عجبني هو هادا و لي من موقع زوين goo.gl/yudQLi
بعبارة اخرى 1961 الخوت طلعو للقمر و ف 2017 غايطلعو للمريخ و حنايا باركين هنايا مخاريين مع الديموقراطية .