"شيفرة دافنشي" ديال دان براون نقدر نقول هي الرواية الوحيدة لهضرت على اغلبية داللوحات ديال سي ليوناردو بشكل مفصل ومن بينها هاد الصورة للتحت لهي فالاصل اللوحة ديال " l'homme de vitruve"
هاد اللوحة كتجمع
بين الفن والعلم فقالب عبقري ديال دافنشي لبين فيه البراعة ديالو ، من قريت
الاسم دالرجل الفيتروفي فالرواية وقلبت على هاد العجب بانتلي الصورة عاديا
رجل عريان مرة واقف مرة مايل شوية وداخلين فبعضم ومدور بيه دائرة ومربع
وشوية دالكتابة من لفوق ولتحت صغيرة مفهمت والو ... حتال من بعد عاد كتاشفت
عمق الصورة
طبعا فالاول من كتسمع لوحة فحال هادي ولكتبان عادية من النضرة لولة تشهرات لواحد الدرجة كبيرة وليتي تشوفا فالروايات والافلام و الاشهارات ديال الماركات العالمية والمؤتمرات و المصحات النفسية والنوادي الصحية وحتا من اليورو الايطالي العملة دايطاليا ، كتقول كفاش هاد العجب .. اوا تبع معايا نشرحلك
الفكرة وماهي اسيدي جات من واحد الكتاب ديال واحد المهندس معماري روماني اسمو " ماركوس فيتروفيوس" كان عندو مع الفلسفة وداكشي الروحاني ، وكانت عندو واحد الفكرة بان جسم الانسان نموذج للكمال وشكل الاطراف ديالنا كتناغم مع الاشكال الهندسية اوطخومو دي كان كيآمن بفكرة التكامل بين جسم الانسان والمعمار لدرجة كيخدم مصطلحات دالخدمة فالهندسة المعمارية باش يوصف جسم الانسان كان مهووس بهاد الفكرة ، وليوناردو قتابسا وحولا للوحة وضح فيها التكامل والسيميترية بين المعمار والجسم البشري ، كان كيعتابر الدائرة رمز للوجود الروحاني والمربع رمز للوجود المادي والرجل لجا لوسط بغا يبين التناغم فاللوحة بين هادشي كامل ...
فهاد اللوحة عتامد دافنشي على نسب مثالية ديال فيتروفيو لجسم الانسان فحال مثلا :
*راحة اليد = عرض 4 اصابع
*طول الذراع = 6 × عرض كف اليد
*المسافة بين الحاجبين منبت الشعر = 1/3 من وجه الانسان
وزيد وزيد ....الخ
واهم حاجة مركز الدائرة ومركز الجسم ونقطة تلاقي قطري المربع هي نفسا سرة الانسان ...
هاد المقاييس كتمثل المقاييس المثالية للجسم البشري باستعمال المعادلة الالهية وعلى الاساس ديالا تخلقات معضم الاشياء ولهي معادلة "فاي" او "phi" ولكتساوي 1،618 (فحال "بي" لكتساوي 3.14) المهم هاد المعادلة جات بفضل متتالية "فيبوناتشي"
اولا معادلة فيبوناتشي تكتاشفات من كانت ايطاليا محتاجة تحسب نسبة الارانب والتكاثر ديالم وصعب عليها هادشي فجات هاد المعادلة على هاد الشكل (1-1-2-3-5-8-13-21.....) الا لاحضتي مزيان اتلقا ان كل رقم كيساوي مجموع الارقام جوج لقبل منو ولمور بعضيتم ومن جهة اخرى كل جوج ارقام متعاقبين القسمة ديالم كتساوي 1.618
هاد نسبة كاينا فاي حاجة توقعتيها فهاد الكون ، مثلا الشكل الرياضي ديال ( DNA) ، السلم الموسيقي وحتا الا جيتي حسبتي المسافة بين المجموعة الشمسية وحافة المجرة و المسافة بين المجموعة الشمسية ومركز المجرة وقسمتي التانية على الولة اتعطيك 1.618 النسبة المقدسة "فاي "
وبالنسبة لجسم الانسان غتلقا مثلا :
المسافة من راسك لارض وقسمتيها على المسافة من السرة لارض اتعطيك نفس النسبة
بالمناسبة قراو شيفرة دافنشي فيها شي حوايج خطيرين على فرنسا .. دان براون خطير وحتا الروايات لاخرين واعرين كنصحكم بيهم ...وسلاما على من اتبع الهدى
طبعا فالاول من كتسمع لوحة فحال هادي ولكتبان عادية من النضرة لولة تشهرات لواحد الدرجة كبيرة وليتي تشوفا فالروايات والافلام و الاشهارات ديال الماركات العالمية والمؤتمرات و المصحات النفسية والنوادي الصحية وحتا من اليورو الايطالي العملة دايطاليا ، كتقول كفاش هاد العجب .. اوا تبع معايا نشرحلك
الفكرة وماهي اسيدي جات من واحد الكتاب ديال واحد المهندس معماري روماني اسمو " ماركوس فيتروفيوس" كان عندو مع الفلسفة وداكشي الروحاني ، وكانت عندو واحد الفكرة بان جسم الانسان نموذج للكمال وشكل الاطراف ديالنا كتناغم مع الاشكال الهندسية اوطخومو دي كان كيآمن بفكرة التكامل بين جسم الانسان والمعمار لدرجة كيخدم مصطلحات دالخدمة فالهندسة المعمارية باش يوصف جسم الانسان كان مهووس بهاد الفكرة ، وليوناردو قتابسا وحولا للوحة وضح فيها التكامل والسيميترية بين المعمار والجسم البشري ، كان كيعتابر الدائرة رمز للوجود الروحاني والمربع رمز للوجود المادي والرجل لجا لوسط بغا يبين التناغم فاللوحة بين هادشي كامل ...
فهاد اللوحة عتامد دافنشي على نسب مثالية ديال فيتروفيو لجسم الانسان فحال مثلا :
*راحة اليد = عرض 4 اصابع
*طول الذراع = 6 × عرض كف اليد
*المسافة بين الحاجبين منبت الشعر = 1/3 من وجه الانسان
وزيد وزيد ....الخ
واهم حاجة مركز الدائرة ومركز الجسم ونقطة تلاقي قطري المربع هي نفسا سرة الانسان ...
هاد المقاييس كتمثل المقاييس المثالية للجسم البشري باستعمال المعادلة الالهية وعلى الاساس ديالا تخلقات معضم الاشياء ولهي معادلة "فاي" او "phi" ولكتساوي 1،618 (فحال "بي" لكتساوي 3.14) المهم هاد المعادلة جات بفضل متتالية "فيبوناتشي"
اولا معادلة فيبوناتشي تكتاشفات من كانت ايطاليا محتاجة تحسب نسبة الارانب والتكاثر ديالم وصعب عليها هادشي فجات هاد المعادلة على هاد الشكل (1-1-2-3-5-8-13-21.....) الا لاحضتي مزيان اتلقا ان كل رقم كيساوي مجموع الارقام جوج لقبل منو ولمور بعضيتم ومن جهة اخرى كل جوج ارقام متعاقبين القسمة ديالم كتساوي 1.618
هاد نسبة كاينا فاي حاجة توقعتيها فهاد الكون ، مثلا الشكل الرياضي ديال ( DNA) ، السلم الموسيقي وحتا الا جيتي حسبتي المسافة بين المجموعة الشمسية وحافة المجرة و المسافة بين المجموعة الشمسية ومركز المجرة وقسمتي التانية على الولة اتعطيك 1.618 النسبة المقدسة "فاي "
وبالنسبة لجسم الانسان غتلقا مثلا :
المسافة من راسك لارض وقسمتيها على المسافة من السرة لارض اتعطيك نفس النسبة
بالمناسبة قراو شيفرة دافنشي فيها شي حوايج خطيرين على فرنسا .. دان براون خطير وحتا الروايات لاخرين واعرين كنصحكم بيهم ...وسلاما على من اتبع الهدى
