شنا هي بلازما ؟
__________________________تجربة______________________
غادي تحل التلاجة دابا ( ما فيك ما يحلها حلها فخيالك)، و غادي تجبد منها دوك المكعبات ديال الجليد (الحالة الصلبة)، و غا تديرهوم فكاصرونا و تسخنوهم فوق البوطة، غادي ينصاهرو، بمعنى غادي يتحولو للحالة السائلة (و ماشي غادي يذوبو، الذوبان موضوع آخر) من بعد غا تزيد تسخن، و غا تلاحظ أن الما بدا كا يغلي و من بعد غا يتبخر (الحالة الغازية)
________________________ 60تاج_______________________
كلما سخنات المادة كل ما الجُزيئات لي كا يكونوها كا يتباعدو بيناتهوم، بحال الطوبيس وقيت الصهد، الناس كا يتباعدو ما أمكن بسباب السخونية .. هادشي علاش ملي كا تشري ماروخا كا تنصاهر ليك فوسط جيبك، لأن جُزيئات الشكلاط تباعدو بيناتهوم، كل جزيئة كا تقول لعشيرتها، تي بعدي من حدايا راه الصهد.
____________________ السؤال المطروح هو___________________
آش غا يوقع إذا زدنا سخنا المادة و هي فالحالة الغازية ؟
الجُزيئات لي كا يكونو الغاز كا يتهرسو، و كا يتحولو لأيونات، بسبب فُقدان الإلكترونات، الإلكترون كا ينقز بكترت السخونية، بحال فاش كا تحط رجليك على الرملة ديال مرزوكة و هي سخونة كا تبدا تنقز ههه، و الذرة أو الجُزيئة ملي كا تفقد إلكترون كا تحول كاتيون النتيجة ديال تسخين الغاز، هي لي كا تعطينا الحالة الرابعة للمادة و لي للأسف مازال ما كا يقريوهاناش، ما عرفت علاش ؟
____________________شنو هي البلازما ؟_____________________
البلازما هي عبارة عن تجمُعات ديال الجٌسيمات المشحونة والمُحايدة. هاذ الجسيمات هي نتيجة لعملية تسخين الغاز بتعريضو لطاقة جدا هائلة حتى كا يتفرتتو الجُزيئات لي كا يكونوه، و كا يوليو ذرات و أيونات. هاذ التحول، كا يعطينا إلكترونات حُرة، و هذا الإلكترونات هوما لي كا يخليو البلازما تنقل لينا التيار الكهربائي، و أيضا كا تولد مجالات مغناطيسية .
____________________الغريب و العجيب______________________
هو أن هاذ المادة كا تكون 99% من الكون !!!! يعني منتاشرة كتر من الحالة الصلبة و السائلة و الغازية. والأغرب فالأمر هو أنهُم مازال إلى يومنا هذا ما كا يقريوهاناش ؟؟؟؟؟ و كا يكذبو علينا و يقولو راه كاينين غير ثلاتة ديال الحالات.
و زيد عليها البلازما منتشارة بشكل هائل بين المجرات و النُجوم ...
_______________________تاريخ__________________________
تكتاشفات أول مرة من طرف واحد الساط كيميائي فيزيائي بريطاني سميتو “وليام كروكس” في عام 1879و في ديك الوقت، وصف العالم الظاهرة بكونها تعلق فقط بـ “مادة مشعة” لأنها كا ضوي مزيان. بمعنى ما حسابش ليه راها حالة رابعة ديال المادة. و السبب هو أنهُ مازال ما تكتاشفش الإلكترون ديك الوقيتة.
سنة 1897 غا يجي عالم فيزيائي مقود حتى هو بريطاني سميتو “طومسون”، هو لي كتاشف الإلكترون، و هاذ الإكتشاف ساعدو باش يفهم علاش ملي كا نسخنو الغاز، و كا نعطيوه طاقة حرارية مقودة، كا توقع ليه عملية التأين، بمعنى الجُزيئات لي كا يكونهو كا يفقدو الإلكترونات ديالهوم.
سنة 1928 غا يجي كيميائي فيزيائي سميتو “ايرفينغانجميور”. هو لي غا يطلق عليها إسم البلازما، و غا يوصفها بكونها حالى رابعة ديال المادة.
__________________كيفاش دايرا هاد البلازما ؟____________________
أكيد غا تكونو كا تسمعو بالتلفاز ديال بلازما ؟
البلازما دايرا بحالها بحال الغاز فالشكل، لأن الغاز فين ما درتيه كا ياخذ الشكل ديال الوعاء لي درتيه فيه، بحال مثلا درتيه فنفاخة، وأو قرعة أو براد، كا ياخذ الشكل ديال الوعاء.
غير هو الفرق، هو القدرة ديالها على توصيل التيار الكهربائي، و يمكن ليها تخضع لمجال مغناطيسي، و إلى بغيتي تجرب أنا نعطيك الستون التالي و شوف بعينيك و قيس ليا البزازل ديال الفيزيك بيديك.
غا تشد هندة (مغناطيس) و غا تقربها من التلفازة ديال البلازما و شوف كيفاش البلازما كا تأثر، و الألوان كا يتبدلو فيها.
________________شنا هوما تطبيقاتها على أرض الواقع ؟_______________
أجهزة الأيفون و السمارتفون تاكتيل و شاشات البلازما و العديد من الوسائل التكنولوجية.
__________________________تجربة______________________
غادي تحل التلاجة دابا ( ما فيك ما يحلها حلها فخيالك)، و غادي تجبد منها دوك المكعبات ديال الجليد (الحالة الصلبة)، و غا تديرهوم فكاصرونا و تسخنوهم فوق البوطة، غادي ينصاهرو، بمعنى غادي يتحولو للحالة السائلة (و ماشي غادي يذوبو، الذوبان موضوع آخر) من بعد غا تزيد تسخن، و غا تلاحظ أن الما بدا كا يغلي و من بعد غا يتبخر (الحالة الغازية)
________________________ 60تاج_______________________
كلما سخنات المادة كل ما الجُزيئات لي كا يكونوها كا يتباعدو بيناتهوم، بحال الطوبيس وقيت الصهد، الناس كا يتباعدو ما أمكن بسباب السخونية .. هادشي علاش ملي كا تشري ماروخا كا تنصاهر ليك فوسط جيبك، لأن جُزيئات الشكلاط تباعدو بيناتهوم، كل جزيئة كا تقول لعشيرتها، تي بعدي من حدايا راه الصهد.
____________________ السؤال المطروح هو___________________
آش غا يوقع إذا زدنا سخنا المادة و هي فالحالة الغازية ؟
الجُزيئات لي كا يكونو الغاز كا يتهرسو، و كا يتحولو لأيونات، بسبب فُقدان الإلكترونات، الإلكترون كا ينقز بكترت السخونية، بحال فاش كا تحط رجليك على الرملة ديال مرزوكة و هي سخونة كا تبدا تنقز ههه، و الذرة أو الجُزيئة ملي كا تفقد إلكترون كا تحول كاتيون النتيجة ديال تسخين الغاز، هي لي كا تعطينا الحالة الرابعة للمادة و لي للأسف مازال ما كا يقريوهاناش، ما عرفت علاش ؟
____________________شنو هي البلازما ؟_____________________
البلازما هي عبارة عن تجمُعات ديال الجٌسيمات المشحونة والمُحايدة. هاذ الجسيمات هي نتيجة لعملية تسخين الغاز بتعريضو لطاقة جدا هائلة حتى كا يتفرتتو الجُزيئات لي كا يكونوه، و كا يوليو ذرات و أيونات. هاذ التحول، كا يعطينا إلكترونات حُرة، و هذا الإلكترونات هوما لي كا يخليو البلازما تنقل لينا التيار الكهربائي، و أيضا كا تولد مجالات مغناطيسية .
____________________الغريب و العجيب______________________
هو أن هاذ المادة كا تكون 99% من الكون !!!! يعني منتاشرة كتر من الحالة الصلبة و السائلة و الغازية. والأغرب فالأمر هو أنهُم مازال إلى يومنا هذا ما كا يقريوهاناش ؟؟؟؟؟ و كا يكذبو علينا و يقولو راه كاينين غير ثلاتة ديال الحالات.
و زيد عليها البلازما منتشارة بشكل هائل بين المجرات و النُجوم ...
_______________________تاريخ__________________________
تكتاشفات أول مرة من طرف واحد الساط كيميائي فيزيائي بريطاني سميتو “وليام كروكس” في عام 1879و في ديك الوقت، وصف العالم الظاهرة بكونها تعلق فقط بـ “مادة مشعة” لأنها كا ضوي مزيان. بمعنى ما حسابش ليه راها حالة رابعة ديال المادة. و السبب هو أنهُ مازال ما تكتاشفش الإلكترون ديك الوقيتة.
سنة 1897 غا يجي عالم فيزيائي مقود حتى هو بريطاني سميتو “طومسون”، هو لي كتاشف الإلكترون، و هاذ الإكتشاف ساعدو باش يفهم علاش ملي كا نسخنو الغاز، و كا نعطيوه طاقة حرارية مقودة، كا توقع ليه عملية التأين، بمعنى الجُزيئات لي كا يكونهو كا يفقدو الإلكترونات ديالهوم.
سنة 1928 غا يجي كيميائي فيزيائي سميتو “ايرفينغانجميور”. هو لي غا يطلق عليها إسم البلازما، و غا يوصفها بكونها حالى رابعة ديال المادة.
__________________كيفاش دايرا هاد البلازما ؟____________________
أكيد غا تكونو كا تسمعو بالتلفاز ديال بلازما ؟
البلازما دايرا بحالها بحال الغاز فالشكل، لأن الغاز فين ما درتيه كا ياخذ الشكل ديال الوعاء لي درتيه فيه، بحال مثلا درتيه فنفاخة، وأو قرعة أو براد، كا ياخذ الشكل ديال الوعاء.
غير هو الفرق، هو القدرة ديالها على توصيل التيار الكهربائي، و يمكن ليها تخضع لمجال مغناطيسي، و إلى بغيتي تجرب أنا نعطيك الستون التالي و شوف بعينيك و قيس ليا البزازل ديال الفيزيك بيديك.
غا تشد هندة (مغناطيس) و غا تقربها من التلفازة ديال البلازما و شوف كيفاش البلازما كا تأثر، و الألوان كا يتبدلو فيها.
________________شنا هوما تطبيقاتها على أرض الواقع ؟_______________
أجهزة الأيفون و السمارتفون تاكتيل و شاشات البلازما و العديد من الوسائل التكنولوجية.
