صوصيج بارتي

" صوصيج بارتي " هو واحد لفيلم مزندق مع راسو و لي فيعلاان مفشكل و فيه حشيان د الهضرا ب البيان , و بغيت نعطيكم تقريب للشخصيات و اش كايحاول الموخريج يوصل من خلالهم .
ايلا شفتي الاشهار د الفيلم غادي يجييك كايضحك و غادي تقول ديال دراري صغار و من دابا كاتقولكم بلا مايسخن على شي حد راسو و يمشي يوريه ل خوه الصغير ولا ولدو اولا لانه عندو ابعاد فلسفية و ثانيا فيه شويا د الاباحية و ماشي ديال الدراري الصغار نهائيا . الفيلم كايهضر على مجموعة من اشكال القص بحال صوصيص و الخبز و الحليب الخ لي عايشيين ف سوبر مارشي و هاداك هو العالم ديالهم وماعارفينش شنو كاين برااا , و كايعتابرو الناس لي كايتقداو ف المارشي الهة و الحلم ديالهم هو يمشيو للاخرة وداكشي علاش كايغينو كل الصباح ل الله و كايدعيو ماربما يتقداهم شي حد باش يمشيو يعيشو الحياة الابدية , الجنة و حور العين هادشي لي كايتصحاب ليهم هما , ودابا تعرفو علاش قلت هادشي . لمهم القصة اسيدي واحد صوصيص لي مزعوط ف واحد الخبزاا بحال باريزيان و كل واحد مخشي ف البكية ديالو مع صحابو و واحد نهار خرجات الخبزا يديها من الباكية و صوصيص كذلك و شد فيدييها و زعما راه دارو شي حاجة لي نورمالمون مغامرة و كان الحلم ديال هاد 2 هو يتقداهم شي حد دقة وحدا باش يمشيو للجنة ب 2 وتما يقدرو يديو لي بغاو بدون حواجر وفعلا داكشي لي طرا و هزاتهم واحد السيدة و هزات مجموعة من المنتوجات الغذائية ولكن هنا فين غادي طرا الكارثة واحد القرعا د لموطارد تقداه شي حد و داه للدار و لكن حيت لقاه خاسر رجعو لسوبر مارشي و ملي رجع بدا كايقول لصحابو راه ماكاينش الله و هادوك غي وحوش كايكلوونا و كايقتلونا " حيت هوما ماعارفنش بلي الانسان كايقصيهم و صافي كاختافيو " و لكن حتا حد ماتيقووو و قالو ليه سكت لايلعنك الله , و لموطارد بغا يتسطا مسكين و نقز ف الكروصة لي فيها ديك صوصيص و الخبزاا الطويلة و بدا كايبرح و كايقولهم هرربوو راه ماكايناش الجنة و ماكايناش الاخرة غادي يقتلوكم و ياكلوكم و تختافيو للابد ولكن دابزوو و مشا لموطارد يلوح راسو من الكروصا و جرااا الصوصيص خرج من ميكتو يعتقو ولكن زلق و جرات الخبزاا من ميكتها و نقداتوو اما لموطارد طاح و مات و طراو شي ستووونات ف وسط من لكروصة و تقلبات بيهم و طاحو مجموعة من الاغدية ف الارض و منهم صحابنا لي كعاو بزاااااااف حيت كانو ناوين يمشيو ل الاخرة و هنا غادي يديماري الفيلم ملي غادي يبداو يدورو ف سوبر مارشي و غادي يتلاقاو بواحد الخبز دايرا اللحيا سميتو كريم و المووخريج كايمعني بيه على المسلمين , هاد كريم مشاا و قال ل صوصيص و صاحبتو لخبزا بلي هوما سباب فهاد المصايب حيت الله سخط عليهم ملي قاسو يدين بعضياتهم و داكشي محرم و كريم الخبزا قال بلي الحلم ديالو يمشي ل الاخرة باش يتلاقا ب 71 قرعا ديال الزيت عذراء باش يغمس فيهم ههههه صراحة طرت ملي سمعت هاد الجملة , كايمعني على 71 حور عين لي كايتسناو المسلمين المؤمنين في الجنة وصافي هنا اصدقائنا غادي يقلبو على شي طريقة باش يرجعوو فين كانو الا الصوصيص لي بدا كايشك و قال ل صاحبتو بلي خاص يتأكدو من هضرة الموطارد البلان ديال الله ماكاينش و كدا ولكن قالت ليه تكمش ماخاصهمش لعنة , و فعلا فا لاول تكمش ولكن من بعد غادي يخليها و غادي يمشي يقلب على حقيقة الاخرة واش كاينا و لا لا و تما غادي تبان واحد " التاكووو " لي ليزبيان وغادي تبدا تدور بخبزة صاحبة الصوصيص .
و من بين المواقف لي فيهم حشيان د الهضرا واحد القرعا د العصير لي تجرحات وبدات كاتعددب و ماكاين لي ينقدها و بدات كاتنزف هي تقول " علااش الله مخلينا نتعذبو و ماكايعاوناش و زيد عليه ان الفيلم فيه شخصيات من الواقع , ف فالاخر غادي يبان واحد المسكاا جالسا على كرسي المعاقين و كاتهضر ب الصوت ديال روبو و هنا كايمعني على " ستيفن هاوكينغ " لي هو العقل المدبر و غادي يعاون صوصيص و شي طبقة د الكفار باش يقنعوو المننوجات الغدائية لي ف سوبر ماركت بانه ماكاينا لا اخرة لا باخرة و ماغديش نعطيكم اش طرا و كيفاش حتا صوصيص درا بالقالب حتا تفرجو ف الفيلم...وعموما على حسب مافهمت من الفيلم اي شخصية تدارت ف الفيلم الا و كاتمثل شي حاجة ف الواقع ودوك المنتوجات الغذائية قصد بيهم الموخريج هوما بنادم لي كايتعبد و كايدير الخير الخ باش يرضي الخالق و يدخل للجنة و السوبر مارشي هو العالم لي الانسان ماعارفش شنو كاين بعد منو , و الموطارد هو داك الانسان لي كايلحد وكايتسطا وفالاخر كاينتاحر , و الصوصيص هو لي درا بالقالب و بدا ينشر ف الدعوة ديالوو ولكن كايتاهموه بالكفر و الفسق و حتا من الخبزة لي كاتمثل فاتيفلوغ ف الواقع تخلات عليه حيت رضى الخالق اولا عاد الخلق و زعما العلم هو لي غادي يساعدهم باش يتجاوزو هاد المحنة و لي كايتجسد ف العلكة المقعدة .
هاد لموخريج ولد الناس , عرف كيفاش يجسد الوقائع لي كايطراو ف العالم بخصوص الدين و زعما صعيب طيح على شي حد هاد الفكرة و كانظن ان الموخريج خارج ليها طاي طاي و بغا يلوح ل بنادم فكرة العدمية . و تفرجو ف االفيلم باش تفهمو اكثر .