المجرم محمد الشيخ بن محمد ولد امخيطير

هادي يومين ، آلاف الموريتانيين إجتمعو قدام المحكمة العليا كيطالبو بإعدام واحد المجرم خطير (https://youtu.be/gneIyPU1GB4)
هاد المجرم إسمه محمد الشيخ بن محمد ولد امخيطير ، تحكم عليه بالإعدام في ديسمبر 2014 ثم أكدت محكمة الاستئناف الحكم و احالت الملف على المحكمة العليا لي أغلب الموريتانيين في شبكات التواصل والشخصيات المعروفة عندهم كيطالبوها بتنفيذ الإعدام في أقرب فرصة ، لكن حكم المحكمة تم تأجيله حتى 20 ديسمبر الجاي.
هاد المجرم الخطير ، ما شي إغتصب 11 طفل أو قتل أو سرق لهم البنك المركزي،
لكن زغبو الله وكتب مقال أونلاين كيدافع فيه على طبقات محكورة في المجتمع الموريتاني بحال لحراطين أي السود و لمعلمين أي الصناع التقليديين (في موريتانيا ، غير يكون الأب أو الجد ديالك من الصناع التقليديين غادي تكون محكور و يعتبروك حقير وخا تقرى ودير لاباس حيث عندهم فكرة أن لمعلمين أصلهم عبيد)
المقال لي تحكم عليه هاد السيد بالإعدام (http://syb.la/2fZOfcU) كيستشهد بأحاديث صحيحة باش يدير مقارنة بين المجتمع ديالو ومجتمع مكة والمدينة في عهد الرسول وكيوصل لخلاصة أنه حتى في هداك الوقت كان بعض التفضيل للقرشيين على بقية المسلمين
وبسبب هاد الخلاصة تحكم عليه بالكفر والردة و الاساءة للرسول.

(مداخلة الصديق قاسم الغزالي بالأمم المتحدة في 2014 احتجاجا على حكم الإعدام ضد محمد الشيخ https://youtu.be/H2709guV4_U وهذا رد سفير موريتانيا على المداخلة ديال قاسم كيكذب وكيقول فيه أنهم إعتقلو محمد الشيخ لحمايته http://syb.la/2fzqWGq )

أخبار بحال هادي كتخليني نتفائل شوية بالوضع ديالنا، لي مع مساوئه ما يوصلش لفين عايشين هاد الناس، و سعيد أن المغرب ما نجحش في ضم موريتانيا ليه من بعد الإستقلال (فيديو على موقع ina الفرنسي كيرجع لسنة 1959 كيعاود على محاولات المغرب ضم موريتانيا ليه http://syb.la/2fzkZt5 )