علوم خفية

(نافشو من بعد نخرجو بخلاصة . مافيها باس تخلي الراي ديالك بكل احترام و بلا شخصنة و من بعد نسمحو لارطيكل بعدما ايقراه كولشي بلا ماتجرحو تا شي واحد و لا تسبوه )
التخاطر , المخلوقات الفضائية ,نظيرة المؤامرة , فيزياء الكم نظرية الاوتار، الكون الهولوجرامي، الاكوان المتوازية , الارض المجوفة , الطاقة الكهروميغناطيسية اللا منتهية, تكنولوجيا ما قبل التاريخ المتطورة , الانوناكي , المخلوقات الهجينة الذكية , بلانيت ايكس , حروب النووية ماقبل التاريخ .
كاملين مصطلحات تانسمعهوم من شحال هادي و كايلغييو ليا بزاف ديال الافكار العلمية لي كاينة فراصي, واش فعلا نازا تاتكدب علينا ؟
الواقع كاملو مزيف ؟

اول شيء تانسمعو هو ان العصر التكنولوجي فاش كاينين حنايا هو اسوا عصر تيكنولوجي فالتاريخ ديال الانسانية , بل انه كاين لي كايقول ليك حنايا كبشر قبل التاريخ كانت عندنا قوة نووية وقنابل يارباه و وقعو حروب بين الشعوب القديمة كالمايا و الفراعنة والليبين (الامازيغ) و الاغريق , و ان شمال افريقيا مجال كبيير للصراعات النووية قبل التاريخ , و ان اللي وقع هو نبضة كهروميغناطيسية الغات كولشي و قتلات مئات الملايين وللعم هي اكبر مخاوف العالم حاليا لانها ممكن تضرب كاع التكنولوجيا البشرية فمقتل و نظرية المؤمنين بالديانات السماوية تاتقول بلي ان الطوفان ديال نوح فعلا هو لي دمر ديك التكنولوجيا بحكم الاهي و ان الطوفان ملي وقع رجع الانسانية لعصر من الضلمات و ايلا بيتي تعرف كثر قرا هاد الارطيكل لي كايبين شنو فعلا وقع:
( goo.gl/Ix8Zgp ) (درت موضيفيي باش نبدل الارطيكل الاصلي الموضوع راه هو هو و لكن مكوبيه واحد المنتدى ديال عريبان لان الليان اللول ماخدامش)
المخلوقات الفضائية , بعدا باش نحيدو الشك حول المخلوقات الفضايئة راهوم كاينين اذكياء او غير اذكياء اللاوعلم لحد الان احتمالية وجود كائنات فضائية هي 99.99% , و كيفما تاتقول الصديقة ديالي خديجة ماتيقتينش بلي كاينين كائنات فضائية سير للمراية و شوف راصك راك كائن فضائي

المشكل فهاد الكائنات الفضائية أنه كاينين ناس مؤمنين بلي المخلوقات الفضائية زارو كوكب الارض و شافوه و تواصلو مع الاستخبارات الامريكية فالحرب الباردة مع السوفييت و تواصلو مع السوفيت ضدا فميريكان , و بلي هوما لي رجعو التكنولوجيا المتطورة لكوكب الارض و بلي هوما فعلا لي دارو الحضارة فالكوكب , بل حتا كاينين اناس كايعتاقدو بلي فعلا المخلوقات الفضائية هوما لي خلقو الانسان بطريقة انهم طوروه من فصيلة القردة باش ايخدم عندهوم او باش ايجرييو عليه تجارب , (علميا الانسان دار بحال هكا شحال من مرا للاسد ملي هجنو مع النمر) , فما بالك بكائنات فضائية تانتاقل عبر المجرات , ايقدر ان المجموعة الشمسية ديالنا هي مسرح للتجارب ديال هاد الكائنات المقاودة .
هذا بحثي على الكائنات الفضائية فكوكل خرج ليا 99 مليون موضوع حول الكائنات الفضائية .
(goo.gl/vnpmCk)
فرضية الارض المجوفة هي واحد الفرضية مفشكلة تاتقول بلي كاين حياة داخل القشرة ديال كوكب الارض (لاحظ بلي انني ماسميتهاش نظرية بل فرضية راك فاهم) و الحياة لي كاينة تما هي حياة غريبة متطورة , بل انه كاينين مؤمنين تايعتابرو بلي الكهف ديال شاشدونغ هاك مقال عليه (goo.gl/NWyRzt) لي فيه سحب و امطار و نباتات وحياة مزدهرة هو اكبر مثال على ان الحياة داخل القشرة الارضية ممكن , بل كاينين ناس كايعتابرو بلي الولايات المتحدة عندها مدن كايمشييو ليها اناس من خيرة المجتمع الامريكي و عندهوم قواعد امريكية حربية بالمساعدة ديال سكان الارض المجوفة باش انه ايكون شي شتاء نووي ايدخلو ليه , بل حتى روسيا عندها بل حتى اليابان عندها (goo.gl/ZqJdvZ) قرا عليه ارطيكل , المؤمنين كايعتابرو بلي دو القرنين هو لي سد على سكان الارض المجوفة و ملي غايخرجو ماغاديش نقدرو نواجهوهوم بلا بلا بلا بلا راكوم عارفين القصة .
ماغاديش نشرح لا الاكوان المتوازية و لا فرضية الكون الهولوجرامي و لا نظرية الاوثار و لا فيزياء الكم و لا قطة شروندجر هادشي كامل تشرح فالكروب دير غير غوشيغش غايخرج ليك .
واش ممكن ان النازا مخبيا كوكب بعيد على نيبتون ؟
قرا هاد المقال ايلا عندك مع لونجلي goo.gl/dlvqq2  

ايلا ماعندكش معاها دير نيبرو الكوكب اكس فيوتيوب غايخرج ليك كيفاش انه كاينين ناس ماشي من النازا حسبو بلي كاينة جادبية تاثر على مجال اورانوس , و كاينين ناس عرفو هادشي قبل من التاريخ (كانهضر على المايا و السوماريين و الانوناكي الهة البشر لي ممكن نعتابرها اقرب اقرب اقرب نظرية دينية للعلم ديالنا الحالي سير قلب عليها بلا ماتسمع لنوسطيك ). كيفاش عرفو ؟
هادشي كايرجعني لنظرية المخلوقات الفضائية و الاتصال ديالها مع الانسان و تكنولجيا ما قبل التاريخ ايييخ صافي نساو .
وانا تانكتب هاد السطاتي جاتني فكرة هو ان كاينين ناس كايعتابرو بلي المؤامرة ديال العالم ضد البشرية  هي مؤامرة ايمانية ضد الكفر علاش ؟
كاينين ناس دابا كايامنو بالعلم بحال ماريو و نوسطيك و انا نيت و السيمو و رفيق و بنعلي , سو باش انك دير ليهوم زعزعة لداك العلم ديالهوم و دوك النظريات الذكية تايتلغاو باعتبارهم مؤامرات فقط و خصنا نامنو بالخريف ديال الانوناكي و كدا و كدا و ان العالم حاكمينو مخلوقات شريرة تادير فينا تجارب ..
لاهوما نديرو شي لعبة نعنكشو بيها هاد الناس باش مايبقاوش أليز و للعلم هادشي كامل مرتابط بالميسج الدجال و ارماجدون و المسيح و لاونطي كريسط (ضد المسيح) .
(بما أن الانوناكي ماخطاطفونيش و قدرت ننشر هاد السطاتي اذن راهوم ماكاينينش) 

 تبعو هاد الخبيرة فالماسونية فقناة مصرية سميتها النهار الدكتورة حاصلة على الدكتورا فالخرافات سميتها مايا صبحي بقاو غاديين معاها باش تدوخو شويا كيفما دوخاتني ف 2014 : goo.gl/5qvF1K
ناقشو كيجاكوم هادشي