المرأة الحديدية : المرأة الحقيقية لي كا يحلم بيها الراجل الحقيقي.
الراجل كا يقلب على المرا لي تشوف ليه فعيونو، قبل من تيليفونو ...
و لي تجاهد معاه و تكافح معاه، ماشي لي يجاهد عليها و يكافح عليها ...
الراجل كا يقلب على المرا لي ضحي معاه، ماشي بيه و ماشي من أجلو ...
كا يقلب على المرا لي تعيط ليه يا أنا ...
كا يقلب على المرا لي تاخد بيديه و تحيا و تموت معاه ...
كا يقلب على المرا لي تبدا معاه من الزيرو و تكون حافز ليها و يكون حافز ليها ياش يبنيو مُستقبل مقود.
ماشي المرا لي كا تتسناه حتى يوصل باش تقول ليه أجي خطبني ...
الراجل كا يقلب على المرا لي تهدي ليه وردة و هو حي ...
ماشي لي توضع باقة ورد على قبرو حتى يموت ...
و بغا لي تبكي عليه و معاه و هو حي ماشي حتى يموت ...
الراجل بغا المرا لي تدفعو للوُصول، ماشي تصفق ليه عند الوُصول ...
الراجل بغا المرا لي تقرا مقصودو كتر من منطوقو ...
بغا لي تقرا القُوة فدموعي ملي يبكي عليها، ماشي تحسبو ضعيف و تقوليه الرجال ما تا يبكيوش
الرجال المقودين هوما لي تا يبكيو بخُشوع الحُب ...
و لي ما عصرش عليك دموعو عرفي ربو ما عندو قلب.
الراجل بغا مرا لي تآمن بيه إيمان مُطلق. و تيق فيه ثقة مُطلقة ..
الراجل بغا المرا لي تخليه يحس أن أحلامو حقيقة ...
ماشي لي كا تسخر و تستهزأ من أحلامو و تقوليه نتا مثالي و كا تحلم بزاف ...
الراجل ما كا يقلبش على المرأة ...
و لكن كا يقلب على داتو و كيانو و وجدانو و قلبو فجسد الأُنثى ...
كاي يقلب على الأنثى لي طوراتها الطبيعة من أجلو.
الراجل داير بحال الشارجور لي كا يقلب على تيليفون يشارجيه.
و هاد التيليفون عندو شارجور واحد لا شريك له، ماشي عشرة ...
الراجل كا يقلب على الوُجود ديالو فمكان آخر
كا يقلب على الأنا ديالو فقلب آخر ...
الراجل الحقيقي كا يقلب على راسو فالمرأة.
المرأة لي تآمن بيه ملي يكفرو بيه جميع الناس ...
المرأة لي مستاعدة تسمح فكولشي من أجلو (من أجلها)
المرآة لي كا تشوف مع راجلها فهدف واحد ...
و ماشي لي كا تجلس حاضياه و مقابلاه ... فين كنتي و معامن تلاقيتي ...
المرأة لي كا تفيق الصباح عارفة آش باغا دير، و عارفة فين باغا توصل ...
المرأة لي عندها طُموح، و هدف واضح، و أحلام كا يسخرو منها القطيع ...
المرأة لي كا تقول لراجلها بكُل حُب :
" ما لم يسخر أحد من أحلامك حبيبي فلتعلم أنها تافهة'
الراجل كا يقلب على المرأة المشغولة بأهدافها، ماشي المشغولة بيه ...
المرأة لي كا تقول ليه من بعد ما تعنقو و تقبلو سير أ حبيبي لخدمتك، راه الوقت كا يطير
المرأة لي كا تقوليه إلى تهليتي فأحلامك و أهدافك و طموحاتك حس براسك تهليتي فحبيبتك.
المرآة لي كا تيق فيه لدرجة تشوفو مع وحدة أخرى و تقول غير صديقة أو علاقة عمل ...
المرأة لي كا تحسبو بحال شي وردة مغروسة فقلبها و كا تسقيه بماء الحُب ممزوج بالدموع المُقدسة لي كا تغسل القلب من الشك و التوقعات و التخوفات. و فحالة تسالاو الدموع تكون مستاعدة تسقيه بدمها.
المرأة لي كا تقرا الصمت ديالو و تقرا فيه الحب كتر من الهضرة ديالو.
المرأة لي تايقة فقلبو أنه ما يمكنش يطيح فيد وحدة أُخرى ...
المرأة لي كا تحسن الظن بيه و تلتامس ليه الأعذار ...
المرأة لي كا تغني معاه تحت الأمطار و الثُلوج و العواصف ...
ماشي لي كا تسنا حتى تصفا السما و تشرق الشمس ...
المرأة لي كا تحفزو ماشي لي كا تعجزو ...
المرأة لي كا تعطيه الطاقة، ماشي الإعاقة و العياقة ...
المرأة لي كا تدفعو، ماشي لي كا تردعو و تمنعو.
المرأة لي فاش كا تكون معاه كا تخليه سيحس براسو بوحدو لأنهما شخص واحد.
المرأة لي كا داوي راجلها بيدها ماشي بالكبدة ديالها.
و باش أنك تفوز بامرأة حقيقية، خاصك تكون راجل حقيقي، لأن المرأة الحقيقية كا تفضل الوحدة على أنها ترتابط براجل مزور.
و باش تكون راجل حقيقي، خاصك تكون قاري فتجارب الحياة كتر من داكشي لي قريتي فالكتوب.
خاصك تكون خريج من أقود خريجي جامعة المُعاناة.
خاصك تكون قريتي عند الألم و الكآبة و الفقر و الإحتقار ...
خاصك تكون نتا، ماشي باباك، وماشي هاداك، كون نتا.
كنت ساد على راسي فالبيت، و دقات عليا الحبيبة ديالي، قلت شكون ؟
قالت ليا : أنا.
قلت ليها : قودتيها ملي فرقتي بيناتنا.
داز الوقت و رجعات دقات عليا مرة أُخرى، قُلت شكون ؟
قالت ليا : نتا
قلت ليها دابا عرفتي شنو هو الحوب الحقيقي، إيوا دخلي يا أنا.
قالت ليا : فاش قلت ليك " أنا" المرة لي فات قصدت بيها "نتا"
قُلت ليها : هاكدا تعلمنا درس جديد حبيبتي، أن أكبر حاجة كا تهدد الحُب هي :
" منطوق لم يُقصد، و مقصود لم يُنطق"
سامحيني يا أنا.
