زوجة الرئيس الأمريكي ترامب

البوكوصة التيتيزة القرطاسة لي شخصيا كتسالي معايا ميلانيا ترامب، مرات عمو دونالد ترامب لي ولى ليوم رئيس اكبر قوة اقتصادية فالعالم و التزويجة الثالتة ديالو، ذو فوغست لايدي عن اسمها الحقيقي ميلانيا كناوس تزادت فسلوفينيا ف26 ابريل عام 1970 يعني عندها ليوم 46 عام،تزادت فعائلة على قد الحال عن اب لي كان منتمي للحزب الشيوعي السلوفيني وأم لي كانت كتقوم بصناعة ديال الملابس دالاطفال، ميلانيا غادي تبدى كعارضة أزياء فسن 16 عام من بعدما غادي يعرض عليها واحد المصور السلوفاني تدير واحد الجلسة تصويرية،غادي تقرى عام واحد فجامعة ديال design w l'architecture، و اتمشي لإيطاليا باش تبدا المسيرة ديالها بشكل رسمي و اتوقع مع واحد الشركة عقد كعارضة ازياء فسن 18 عام، و قدمات بزااف ديال العروض لمصممين مشهورين بزاف فباريس وغيرها، من بعد اتمشي لأمريكا وغادي تاخد الإقامة الدائمة ف سنة 2001 وغادي تاخد الجنسية فعام 2006، غادي تشتغل تما بحيث ترئسات غلاف مجمووعة ديال المجلات المشهورة بحال "The new york magazine" و شحال من مرة كانو تصاور ب2 بييس، ف 1998 غادي تلقا بعمو ترامب فواحد الحفلة ديال الاسبوع حول الموضة بنيويورك ولكن ديك لوقت هو كان مزال مزوج بمراتو الثانية، وغادي تبان معاه فسنة 2000 فواحد الحملة سياسية ديالو، فسنة 2005 غادي يتزوجو وخا لفرق بينانهم كثر من 20سنة وغادي يديرو عرس ولا في لأحلام بفلوريدا، وختنا غادي تلبس فيه غوب قيمتها 200 ألف دولاغ!!!( احح ندير بيها مستقبلي،) وغادي يتزاد عندهم ولد لي عندو ليوم 10 سنوات (هو داك لبرهوش لي ديما مصور حداهم)، ميلانيا كتدعم راجلها و كتقول بلي اتكون سيدة اولى تقليدية، وايضا دافعات عليه نهار دوروها الصحافيين وقالو ليها راجلك سب العيالات و لمهاجرين ولمسلمين وتعرض ايضا لإتهام انه تحرش ب10 نساء لي نكرو خرجات وقاتليهم راجلي زوين وحنين وبلعكس كيحترم المرأة وكيقدرها كيفما كيدعمني وكيدعم استقلاليتي وايضا هاهو مزوج بيا بالرغم من أنني مهاجرة وهدا خير دليل انه متسامح فالداخل ديالو مع المهاجرين، و كتبقى مؤخرا غبرات وكتفادى تهضر مع الصحفيين حيث نهار لقات اول خطاب ديالها تعرضات لبزاف ديال النقض، وقالو ليها بلي خطابها مبتدل ومقتبس من خطاب كانت لقاتو ميشيل اوباما شحال هادي فشعرات بالإحباط ودخلات سوق جواها، اخيرا ميلانيا ليوم عندها مقاولتها لي كتاجر بالازياء و المجوهرات، وهي ايضا كتتقن 6 ديال اللغات: السلوفينية،الإنجليزية، الإيطاية،الصربية،الفرنسية والألمانية، و من هدشي كامل!!!
عمو تراامب واااخد الزين هاااح