نظرية العوالم المتعددة و تفسير ديال كوبنهاجن ماشي بوحدهوم لي عندهوم شرح المستوى الاول من الكون، حتى ميكانيكيات الكم ماشي هي المجال الوحيد فالفيزياء لي فيه بحث على الشرح ديالو . النظريات لي بانت فدراسة الفيزياء تحت الذرية ما زالت ولات قانون كتبقى مجرد نظرية، و هادشي خلى انقسامات حتى فعلم النفس ، و هاد النظرية عندها مؤيدين و منتقدين من طبيعة الحال ...
منذ بداية تطور العلم ، الفيزيائيين دارو دراسات و خدمو باش يوصلو لأصغر مستوى فالعالم الفيزيائي، لي هو المستوى النهائي ، لي يعاونهم على كل شيئ ...
بعد نظرية النسبية ، إنشتاين بقى خدام على المستوى النهائي لي غادي يعطيه الإجابة على جميع الأسئلة الفيزيائية، وهاد النظرية سماها العلماء بنظرية كل شيئ Theory Of Everthing . علماء فيزياء الكم كيعتقدو بلي قربو يوصلو للنظرية النهائية، و لكن آخرين كيقولو بلي المستوى الكمي ماشي هو أصغر مستوى، و لهذا خدمو على نظرية تحت الكم ، أو ما يصطلح عليه نظرية الأوتار ، لي غادي يكون إجابة على كل ما يجول في الحياة، و من هنا كتاشفو فالأبحاث ديالهوم على النظرية بوجود أكوان متوازية ...
نظرية الاوتار أنشئت بواسطة الفيزيائي " ميتشو كاكو " ، نظريته كتقول أن كتل البناء الأساسية لكل المواد و لكل القوى الفيزيائية فالكون موجودة فمستوى تحت الكم ، هاد الكتل كتشبه لاربطة مطاطية صغيرة جدا دايرين بحال أوتار ، و لي كتصنع الالكترونات و الذراا و الخلايا و ما الا ذلك ... و كيتحدد نوع المادة لي كتنتج هاد الاوتار على حساب تذبذب ديالها ... و تذبذب هاد الاوتار هو لي كينشأ القوى المختلفة الحاكمة للكون ، و بالتالي الكون عبارة عن معزوفة موسيقية ... و على حسب هاد النظرية ، هاد العزف كيكون عبر 11 بعد منفصل ...
نظرية الاوتار كتبين لينا وجود الاكوان المتوازية ... هاد الابعاظ كدور حول نفسها بحيت لا يمكن ادراكها في عالمنا، و بما ان الكون فيه هاد الابعاد المختلفة بهندستها المختلفة و المتنوعة، و قوانين الطبيعة كتعتمد على هندسة الطبيعة، اذن فهي كتشكل ابعاد كثيرة ، و اكوان مختلفة فقوانينها و حقائقها.
اذن نظرية الاوتار كتبين لينا أنه يوجد اكون عديدة و مختلفة ، و ميشيو كاكو كيأكد حقيقة اكتشاف ملايين من الحلول لمعادلات نظرية الاوتار ، و كل حل من هذه الحلول كيعطي وصف لكون متناسق رياضيا و مختلف عن باقي الاكوان لي موجودة فحلول النظريات الاخرى ...
وفقا للنظرية يمكن لهذه الاكوان التواصلمع بعضها البعض، بان الجاذبية يمكنها التدفق بين هاد الاكوان المتوازية ...
كخاتمة النظرية قائمة البعض رفضوها و نتاقدوها و البعض كيقولو بلي صحيحة ...
أتمنى أن أكون أفدتكم قليلا فهاد الموضوع لي عميق بزاف و هادا جهدي عليه .
