شارلي خدمة 2
ما عنديش ليكسبيريونص حيت مازال ما خدمت حيت ماعنديش ليكسبيريونص حيت.......
تا لفوقاش؟
المقال الأول فهاد الهاشطاغ كان علا "Les entretiens d’embauche" للناس لي فايت عندهوم تجربة "Professionnelle" يعني غادي يبدلو الخدمة، و بزاف دالناس طلبو نكتب علا كيفاش يدوز هادشي بالنسبة للّي عاد قالو باسم الله.
(الإخوان صحاب "بيسطون = خدمة" و لي قالو بلي داكشي اللول غير تخربيق كاين ب.س لتحت دوزولها بلا ما تعدبو راسكوم بقراية هادشي كامل..)
ما عندي تا تجربة "Pro"، كي غادي ندوز هاد "L'entretien"؟
حباس آ السي، هادا أول خطأ، بالنسبة لبوعو راه عندك تجربة، و لي هي : ال"formation" ديالك، السطاجات، دوك الخديمات الصغار إلا كانو (تا نهضرو عليهم من بعد)، الأعمال الجمعوية و ال"motivation" ديالك.. يعني إلا ماركيتي هاد النقاط فوسط الماتش راك مزيان.
نبداو بال"Formation" :
هادي أول و أهم نقطة، كايخصك ت"valoriser" الفورماصيون ديالك و تهضر عليها بذكاء، تبين بلي راها كانت اختيار ديالك واقتانعتي بيه بكل نضج و قناعة، علاش هاد الإختيار بالضبط؟ آش استافدتي منها؟ من الأساتذة؟ من الإحتكاك معا صحابك؟ آشنو هوما القيم د المدرسة ديالك؟ واش كنتي فشي "Club" تما؟ آش درتي فيه؟ بروجيات علاياش خدمتي؟ ال"présentations" المهمين لي درتي فشي "amphi"؟
عطا الله آش تقول هنا، و كانظن راه بانولكوم "Les qualités" لي غادي يدي عليهوم بوعو إلا عطيتيه بحال هاد المعلومات.
(بطبيعة الحال ما تعاينوهش يسولكوم هو هادشي كامل، غير يقولك هضر ليا علا "La formation" ديالك نتا بدا تعطيه حاجة بحاجة، ما تعرضش، سير بالشوية عليك ما حدك كاتهضر و اهتمامو كايزيد..)
ثاني حاجة، الحافز "Motivation" ديالك :
هنا غنات مي كلثوم و قالت بلي الأغلبية ديال "Les recruteurs" أو بوعويات ما كايحسوش ب"Les candidats" الجدد فعالم الخدمة "Motivés". هي شوية فشكل حيت إلا ما بينتيش نتا بلي راك متحمس تخدم معاهوم و ماقلتيش علاش، ما غاديش يسولك عليها بوعو.. وهما براصهوم كايقولو بلي من الغباء مايسولوش عليها ولكن هادشي بقا هاكاك منذ القدم.
وبالتالي كنصيحة، بوعو لي قبالتك راه كايتزعط فبنادم لي يزعزعو بالرغبة ديالو فالخدمة، و يبين ليه بلي راه متعطش باش يتعلم، و يكون طرف من ديك الشركة لواحد السبب معين.
قبل ما نسا، دوك الكليمات د غوغل ولا لي كلشي كايقولهم ديال "votre entreprise est connue à l'international" و "grâce à vous je vais mettre en pratique mes connaissances" و "je souhaite avoir une expérience dans une entreprise comme la vôtre".. راه والله تا حفضوهوم و طلعو ليهوم فالراس.
(بين قوسين بوعويا لي عندنا كانت كادوز لبنادم و قالتلو لاش جيتي لهنا؟ يالاه بدا ديك "Votre entreprise est connue" و هي تكملهالو قالتلو هادشي عارفينو زيد كمل، السيد سكت و بقا معجب قالها كي درتي عرفتيني غادي نقول هادشي؟... يمكن ليكوم تخيلو بشاعة المنظر.. وغالبا بحال هادا لي ديما تايقول "إلا ماكانش عندك بيسطون فالمغرب ما تخدمش" المهم هانا راجع ليكوم).
نرجعو للموضوع، راه ال"Recruteur" عارف ڭاع داكشي لي غادي تعرض عليه من غوغل حيت سمعو تا طاب بيه، ولكن إلا جيتي نتا وقلتيلو آش غادي تعطيه فالشركة من خلال القدرات ديالك و آش كاتعرف دير و تبين ليه بلي راك تموت و تخدم تما، هنا درتي الإستثناء.
ثالث حاجة إلا ما غلطتش فالحساب "Les stages" ولا دوك الخديمات الصغار لي درتي :
السطاج هو وجهك فالمقابلة، بيه كاتكالي الصهد و كاتتبت بوعو.. ولكن خاصك تعرف تهضر عليهوم، تقدر تكون مدوز 100 سطاج و إلا ما عرفتيش تهضر عليهوم غير زيدهوم فراسك.
آلوغ فاش تجبد السطاجات، "Il faut les lier" مع هاد الكليمات العجيبة :
"La capacité de comprendre l’environnement de travail"
"La culture d’entreprise"
"Le mode organisationnel"
و تهضر فإطار هاد السياقات ب 3 حيت غادي يبقاو يزنزنو فودن بوعو مور ما تمشي بحالك.
بعد المرات بوعو كايكون مزكر شوية و كايقلب علا شي حد مسطاجي فنفس "Secteur de travail" ديال ديك الشركة، ما عليك إلا تجي موجد راسك و لاقي أوجه التشابه بين سطاجك و الخدمة لي راك مقبل عليها، و تبين ليه بلي راك عرفتي التحديات لي كايتطلبها سوق الشغل و المعيقات ديالو.
ندوزو لدوك الخديمات الصغار إلا كانو، دوك الخديمات باش كنتي كاتصور مصروف فاش كنتي كاتقرا، لي خدم فماكدو، لي دار سوايع، لي فرق الفلايرز الخ.. ماتحڭروش هادشي و تحيدوه من ال "CV" راه كاينفع، هاديك الخدمة الحقيرة لي درتي و مخبعها هي لي شكلات شخصيتك و برداتك، بوعو ما كايشوفش فيها شي حاجة ناقصة بالعكس، نتا غير ديرها "En qualité" و هضر عليهوم بذكاء و هو غادي يفهم فيها مثابرة و قوة احتمال و صبر و حسن تدبير و مسؤولية.
شوف الفرق بين لي يهضر هاكا و لي يقول "Je suis rigoureux"..
كاين لي ما دوزش بحال هاد الخديمات، ما كاين مشكل، تقدر تكون عندك تجربة فالعمل التطوعي، فالجمعوي، فالرياضي، المهم تكون داير شي حاجة فحياتك من غير قراية و سطاج، و لي منها تقدر تبين "Les qualités" ديالك.
كايبقاو لي تيكنيك دالهضرة راه هوما نيت لي كتبت فالمقال اللول، عرف توظف غير الكلمات و هانتا حجيتي..
مرة أخرى نعاود نقولها، "مبتدئ" فعالم الخدمة ما كاتعنيش ما عندكش تجربة.. خاصك تعرف بلي ديك بوعو فاش كاتچلس قبالتو كايكون كايشوف فيك نبض جديد للشركة ديالو، واحد الفضول، أفكار جداد، سهولة فانتقاء المعلومة و نفس جديد لفريق العمل.. خاصك غير تكون قد التوقعات ديالو و علاش لا تفوتها چاع.
إلا كان هاداك لي قديم فالشركة كايقدم واحد الجودة ويعول عليه، ف"المبتدئ" مكمل ضروري للتطور ديالها.
تيق فراسك و واخا ترفض ما تعياش، دفع و عاود و عاود راك فالموغريييب، تا حاجة ما ساهلة.
و بالتوفيق للجميع.
ب.س: المغرب مكبتا علا ديلمو متافقين، ولكن هادا ماشي مبرر ليك باش تقولو إلا ما جبتيش خدما و چالس مشومي.. المغرب كولو مامزيانش؟ تا شركة ما خدماتك ونتا لي مزيان؟ علاش ما فكرتيش بلي نتا لي فيك الديفو؟ بلي نتا لي ما فيدكش؟ ماشي ما فيدكش زعما راسك خاوي، ما فيدكش كاتهبط يديك للأرض دغيا و كاتعيا دغيا، باغي دفع تخدم نيشان.. ديك الهضرة دعندك بيسطون تخدم كاينة، شحال من مرة حشاهالي بيسطون و آش عندك ما دير.. ولكن واش چاع لي خدام بيسطوني؟ ما تنساش بلي راك ولد الشعب و إلا بغيتي الحاجة خاصك تقاتل عليها، الساهلة راه عمرك تشمها فهاد البلاد، نهار تقتنع بلي ما غاديش تجيبها باردة، ديك الساع غادي تقاتل المرة اللولة و الثانية و ال30 تاتجيبها.. تقبل بلي المصير ديالك هو تامارة و عراق علا ديلمها، تجيب خدمة تجيبها كيما دارو خوتك. ما عجبكش الحال جمعلك حصيصة و خوي خلي البلاصة لواحد آخور.
ب.س2 : ما كانهضرش علا الخدامي د الدولة هادوك ستونهوم بوحدو عمري دخلت ليه.
ب.س3 : داكشي لي تكتب فهاد المقال و المقال لي قبل منو راه أفكار مجموعة من عند 4 د بوعويات وحدة منهوم فرنسية.
و به تم السلام .
الجزء الاول : https://goo.gl/orHGCq
ما عنديش ليكسبيريونص حيت مازال ما خدمت حيت ماعنديش ليكسبيريونص حيت.......
تا لفوقاش؟
المقال الأول فهاد الهاشطاغ كان علا "Les entretiens d’embauche" للناس لي فايت عندهوم تجربة "Professionnelle" يعني غادي يبدلو الخدمة، و بزاف دالناس طلبو نكتب علا كيفاش يدوز هادشي بالنسبة للّي عاد قالو باسم الله.
(الإخوان صحاب "بيسطون = خدمة" و لي قالو بلي داكشي اللول غير تخربيق كاين ب.س لتحت دوزولها بلا ما تعدبو راسكوم بقراية هادشي كامل..)
ما عندي تا تجربة "Pro"، كي غادي ندوز هاد "L'entretien"؟
حباس آ السي، هادا أول خطأ، بالنسبة لبوعو راه عندك تجربة، و لي هي : ال"formation" ديالك، السطاجات، دوك الخديمات الصغار إلا كانو (تا نهضرو عليهم من بعد)، الأعمال الجمعوية و ال"motivation" ديالك.. يعني إلا ماركيتي هاد النقاط فوسط الماتش راك مزيان.
نبداو بال"Formation" :
هادي أول و أهم نقطة، كايخصك ت"valoriser" الفورماصيون ديالك و تهضر عليها بذكاء، تبين بلي راها كانت اختيار ديالك واقتانعتي بيه بكل نضج و قناعة، علاش هاد الإختيار بالضبط؟ آش استافدتي منها؟ من الأساتذة؟ من الإحتكاك معا صحابك؟ آشنو هوما القيم د المدرسة ديالك؟ واش كنتي فشي "Club" تما؟ آش درتي فيه؟ بروجيات علاياش خدمتي؟ ال"présentations" المهمين لي درتي فشي "amphi"؟
عطا الله آش تقول هنا، و كانظن راه بانولكوم "Les qualités" لي غادي يدي عليهوم بوعو إلا عطيتيه بحال هاد المعلومات.
(بطبيعة الحال ما تعاينوهش يسولكوم هو هادشي كامل، غير يقولك هضر ليا علا "La formation" ديالك نتا بدا تعطيه حاجة بحاجة، ما تعرضش، سير بالشوية عليك ما حدك كاتهضر و اهتمامو كايزيد..)
ثاني حاجة، الحافز "Motivation" ديالك :
هنا غنات مي كلثوم و قالت بلي الأغلبية ديال "Les recruteurs" أو بوعويات ما كايحسوش ب"Les candidats" الجدد فعالم الخدمة "Motivés". هي شوية فشكل حيت إلا ما بينتيش نتا بلي راك متحمس تخدم معاهوم و ماقلتيش علاش، ما غاديش يسولك عليها بوعو.. وهما براصهوم كايقولو بلي من الغباء مايسولوش عليها ولكن هادشي بقا هاكاك منذ القدم.
وبالتالي كنصيحة، بوعو لي قبالتك راه كايتزعط فبنادم لي يزعزعو بالرغبة ديالو فالخدمة، و يبين ليه بلي راه متعطش باش يتعلم، و يكون طرف من ديك الشركة لواحد السبب معين.
قبل ما نسا، دوك الكليمات د غوغل ولا لي كلشي كايقولهم ديال "votre entreprise est connue à l'international" و "grâce à vous je vais mettre en pratique mes connaissances" و "je souhaite avoir une expérience dans une entreprise comme la vôtre".. راه والله تا حفضوهوم و طلعو ليهوم فالراس.
(بين قوسين بوعويا لي عندنا كانت كادوز لبنادم و قالتلو لاش جيتي لهنا؟ يالاه بدا ديك "Votre entreprise est connue" و هي تكملهالو قالتلو هادشي عارفينو زيد كمل، السيد سكت و بقا معجب قالها كي درتي عرفتيني غادي نقول هادشي؟... يمكن ليكوم تخيلو بشاعة المنظر.. وغالبا بحال هادا لي ديما تايقول "إلا ماكانش عندك بيسطون فالمغرب ما تخدمش" المهم هانا راجع ليكوم).
نرجعو للموضوع، راه ال"Recruteur" عارف ڭاع داكشي لي غادي تعرض عليه من غوغل حيت سمعو تا طاب بيه، ولكن إلا جيتي نتا وقلتيلو آش غادي تعطيه فالشركة من خلال القدرات ديالك و آش كاتعرف دير و تبين ليه بلي راك تموت و تخدم تما، هنا درتي الإستثناء.
ثالث حاجة إلا ما غلطتش فالحساب "Les stages" ولا دوك الخديمات الصغار لي درتي :
السطاج هو وجهك فالمقابلة، بيه كاتكالي الصهد و كاتتبت بوعو.. ولكن خاصك تعرف تهضر عليهوم، تقدر تكون مدوز 100 سطاج و إلا ما عرفتيش تهضر عليهوم غير زيدهوم فراسك.
آلوغ فاش تجبد السطاجات، "Il faut les lier" مع هاد الكليمات العجيبة :
"La capacité de comprendre l’environnement de travail"
"La culture d’entreprise"
"Le mode organisationnel"
و تهضر فإطار هاد السياقات ب 3 حيت غادي يبقاو يزنزنو فودن بوعو مور ما تمشي بحالك.
بعد المرات بوعو كايكون مزكر شوية و كايقلب علا شي حد مسطاجي فنفس "Secteur de travail" ديال ديك الشركة، ما عليك إلا تجي موجد راسك و لاقي أوجه التشابه بين سطاجك و الخدمة لي راك مقبل عليها، و تبين ليه بلي راك عرفتي التحديات لي كايتطلبها سوق الشغل و المعيقات ديالو.
ندوزو لدوك الخديمات الصغار إلا كانو، دوك الخديمات باش كنتي كاتصور مصروف فاش كنتي كاتقرا، لي خدم فماكدو، لي دار سوايع، لي فرق الفلايرز الخ.. ماتحڭروش هادشي و تحيدوه من ال "CV" راه كاينفع، هاديك الخدمة الحقيرة لي درتي و مخبعها هي لي شكلات شخصيتك و برداتك، بوعو ما كايشوفش فيها شي حاجة ناقصة بالعكس، نتا غير ديرها "En qualité" و هضر عليهوم بذكاء و هو غادي يفهم فيها مثابرة و قوة احتمال و صبر و حسن تدبير و مسؤولية.
شوف الفرق بين لي يهضر هاكا و لي يقول "Je suis rigoureux"..
كاين لي ما دوزش بحال هاد الخديمات، ما كاين مشكل، تقدر تكون عندك تجربة فالعمل التطوعي، فالجمعوي، فالرياضي، المهم تكون داير شي حاجة فحياتك من غير قراية و سطاج، و لي منها تقدر تبين "Les qualités" ديالك.
كايبقاو لي تيكنيك دالهضرة راه هوما نيت لي كتبت فالمقال اللول، عرف توظف غير الكلمات و هانتا حجيتي..
مرة أخرى نعاود نقولها، "مبتدئ" فعالم الخدمة ما كاتعنيش ما عندكش تجربة.. خاصك تعرف بلي ديك بوعو فاش كاتچلس قبالتو كايكون كايشوف فيك نبض جديد للشركة ديالو، واحد الفضول، أفكار جداد، سهولة فانتقاء المعلومة و نفس جديد لفريق العمل.. خاصك غير تكون قد التوقعات ديالو و علاش لا تفوتها چاع.
إلا كان هاداك لي قديم فالشركة كايقدم واحد الجودة ويعول عليه، ف"المبتدئ" مكمل ضروري للتطور ديالها.
تيق فراسك و واخا ترفض ما تعياش، دفع و عاود و عاود راك فالموغريييب، تا حاجة ما ساهلة.
و بالتوفيق للجميع.
ب.س: المغرب مكبتا علا ديلمو متافقين، ولكن هادا ماشي مبرر ليك باش تقولو إلا ما جبتيش خدما و چالس مشومي.. المغرب كولو مامزيانش؟ تا شركة ما خدماتك ونتا لي مزيان؟ علاش ما فكرتيش بلي نتا لي فيك الديفو؟ بلي نتا لي ما فيدكش؟ ماشي ما فيدكش زعما راسك خاوي، ما فيدكش كاتهبط يديك للأرض دغيا و كاتعيا دغيا، باغي دفع تخدم نيشان.. ديك الهضرة دعندك بيسطون تخدم كاينة، شحال من مرة حشاهالي بيسطون و آش عندك ما دير.. ولكن واش چاع لي خدام بيسطوني؟ ما تنساش بلي راك ولد الشعب و إلا بغيتي الحاجة خاصك تقاتل عليها، الساهلة راه عمرك تشمها فهاد البلاد، نهار تقتنع بلي ما غاديش تجيبها باردة، ديك الساع غادي تقاتل المرة اللولة و الثانية و ال30 تاتجيبها.. تقبل بلي المصير ديالك هو تامارة و عراق علا ديلمها، تجيب خدمة تجيبها كيما دارو خوتك. ما عجبكش الحال جمعلك حصيصة و خوي خلي البلاصة لواحد آخور.
ب.س2 : ما كانهضرش علا الخدامي د الدولة هادوك ستونهوم بوحدو عمري دخلت ليه.
ب.س3 : داكشي لي تكتب فهاد المقال و المقال لي قبل منو راه أفكار مجموعة من عند 4 د بوعويات وحدة منهوم فرنسية.
و به تم السلام .
الجزء الاول : https://goo.gl/orHGCq
Tags:
شارلي
