صابرينا باسترسكي

- شتها أول مرة، قلت بيني و بيني هادي ما تكون شي فاتيفلورة حداثية مصورة حدا سبورة مرسوم فيها دياغرام فاينمان على أساس شوفوني أنا عندي مع الفيزيك و تجمع لايك و جاداور و لي كومونطير ... قلبت على الفبسبوك ديالها و أنا نتصدم أن الساطة ما عندها لا فيس و لا تويتر و لا حتى شي حساب على مواقع التواصُل الإجتماعي ..
الساطة عندها موقع واحد http://physicsgirl.com فيه كا تبارتاجي الأبحاث ديالها فالفيزيك.
هادي الصدمة الأولى، و الصدمة الجاوجة هي أن عمرها 23 عام ... و الصدمة الثالثة هي :
على 12 لعام ( فاش كنت أنا مُراهق كا نيش على الترامي دالتيتيز بالكاري دلاستيك)
- على 12 لعام قامت بتصميم طائرة و شاركات بيها فمعرض أوشكوش للطائرات.
- من بعد نجحات فالصُنع ديالها و طلبات المُساعدة "معهد ماساتشوستس للتقنية" ( أقود جامعة فالعالم خرجات أزيد من 60 حاصل على نوبل فالعُلوم)
- ملي كان فعمرها 21 عام ( فاش كنت أنا نقرا كتاب حوار مع صديقي المُلحد )
قدّمات جوج تاع البُحوت على "المثلث" و"الذاكرة الدائرة" ل "جامعة هارفاد" لي داخلين فالضومين ديال "فيزياء الطاقة العالية".
بسباب هاد الأبحاث عرضو عليها تكمل قرايتها فأرقى جامعة فالعالم "معهد ماساتشوستس للتقنية"
و لي تخرجات منو سنة 2013 من بعد ما حصلات على خسمة على خمسة 5/5 فتخصص الفيزياء النظرية.
و حاليا راها طالبة دوكتوراة بجامعة هارفرد متخصصة فدراسة نظرية الأوتار و فيزياء الطاقة العالية.
- الأبحاث ديالها فالفيزيك خلقو ليها فُرص شُغل لي أي مُواطن ماريكاني كا يحلم بيها، على راسهوم شركة الفضاء المقودة ناسا، و شركة بلو أوريجين للفضاء و الطيران.
بحالاش هاد الأبحاث ؟
1 - الثُقوب السوداء لي هي عبارة على منطقة فالفضاء عندها كُتلة كبيييرة فحجة صغيور لي كا يتسمى بالحجم الحرج، و لي ملي كا توصل ليه المادة كا يبدا تنضغط بسباب الجاذبية المقودة.
الشيء لي كا يسبب فانهيار كا يخلق قوة عكسية للإنفجار، و هاذ القُوة هي لي كا ضغط الجسم و تخليه صغييور و عندو جاذبية كبيرة . ( مازال غا نتعمقو فالموضوع فآرتيكل مُقبل)
2- نظرية الأوتار الفائقة ( لي غا نشرحوها فآرتيكل مُقبل، كا نواعدكُم)
العمل على هاد الجوج أبحاث خلى عُلماء الفيزياء النظرية على رأسهوم ستيفن هاوكينج يوصفوها بخليفة " ألبرت آينشطاين" 
 باش كا تميز الشخصية ديال صابرينا ؟
1-شخصية غير اجتماعية و ما عندهاش مع التجمُعات و نقاشات الأحداث و الأشخاص، مصداقا لقول ماري كوري رضي فاينبرت عنها :
" كون فضولي بالأفكار،ماشي بالأحداث و الباشار "
2- ما عندهاش هاتف ذكي و بالتالي ما كاين لا واتساب لا ماسانجر لا فايسبوك.
3- ما كاتسكر ما كا تكمي ما فيها حتى بلية، و هذا جواب قدماتو ملي سولها الإعلام، و زادت عطاتهوم الهضرة و قالت : أنا بغيت نكون مشهورة بداكشي لي كا ندير(الفيزيك) ، ماشي بداكشي لي ما كا نديرش (البلية) .
4- شغلها الشاغل هو الفيزيك. و صرحات بيها : ملي ما نكونش ناعسة عرفني كا نكح الفيزيك.
5- غاديا على طريق آينشتاين و هاوكينج بحيث كا تحاول توحد القوى الأربعة للطبيعة
(القوة النووية القوية، القوة النووية الضعيفة، القوة الكهرومغناطيسية، والجاذبية)
و فالختام :
باش ينوض عالم فيزيائي مقود بحال ستيفن هاونكينج و يستشهد بيك فإحدى مقالاتو هو و آندرو سترومنغر (لونكادرون د صابرينا فالدوكتوراة ) خاصك تقطعو من جدرو و تكون نتا هو  صابرينا باسترسكي حيتاش لوكان كان الراجل راجل بقليواتو، لوكان كان الحمار هو سيد الرجال.