ظاهرة القمر العملاق

غادي تشهد البشرية جمعاء نهار الإثنين 14 نوفمبر 2016، حدوث واحد الظاهرة فلكية اللي معروفة باسم ( القمر العملاق ) .. بحيت كايتزامن اكتمال القمر مع وصوله لأقرب نقطة ليه مع الأرض فالمدار البيضاوي .. وغايتميز هاد المرة بكونه غادي يبلغ أكبر حجم غايتسجل ليه حتى الأن في القرن الواحد والعشرون ..
وكيفما وضحت سلفا وكالة الفضاء الأمريكية (ناسا)، بلي القمر غايكون فهاد الشهر فأقرب نقطة ليه من الأرض، وبهذا غادي يبان بالعين المجردة أكبر حجما بنسبة 14% من الحجم ديالو الطبيعي، وكذا أكثر إشراقا بنسبة 30% من إشراقته الطبيعية أيضا.
وبالنسبة للإسم العلمي لهاد الظاهرة هو ( نقطة الحضيض لنظام الأرض والقمر والشمس ) .. أما تسمية ( القمر العملاق ) ماشي فلكية، وإنما جا بيها المنجم ( ريتشارد نولل ) ف عام 1979.
وبالنسبة للنتائج اللي غاترافق هاد الحدث .. هي قوة الجاذبية المعتادة ديال القمر على المد والجزر غادي تكون أكبر وأقوى من حالتها الطبيعية، وهادشي يقدر يسبب ارتفاع كبير ف حالة المد والجزر.
ورجوعا إلى نفس المصدر (ناسا) ف كاتوقع هذه الأخيرة بلي ماغانعاودو نشوفو قمر بهاد الضخامة حتال 25 نوفمبر من سنة 2034.
ماتنساوش تستمتعوا بهاد المنظر الرائع ليلة الإثنين.