متربع قمة عرش الأدب العالمي " دوستويفسكي "

مشهور بكتبه و شخصياته الغريبة و الرائعة لي دائما كاتكون في أقصى حالات اليأس و العدمية وعلى حافة الهاوية، و الروايات ديالو دائما فيها فهما عميقا للنفس البشرية و تعمق فيها لدرجة لا تصور حتاا علماء النفس تعجبو له كيفاش قدر يوصل لهااد الدرجة من الغوص في اعماق النفس البشرية .. و كما ان الروايات ديالو كاتقدم ايضا تحليل وااااضح للحالة السياسية والاجتماعية والروحية لي كانت ف روسيا ف دااك الوقت.
تولد ف1821 بموسكو فوااحد العائلة مريييضة و باه كان طبيب عسكري ينحدر من فئة رجال الدين و كان عندو مشااااكل كبييرة مع الاب ديالو لي كان طااغية في المعاملة ديالو.. وكانت امه تاجرة. و كان مريض بالصرع بحالو بحاال بااه داكشي وراثي عندهم...
من بعد كبر شوية و بدا كايكتب بعض الروايات و لي كان من الاوائل ديالهم رواية "الفقراء"لي دارت خبللللة و حتا ان الاميير اوديوفسكي دااك الوقت علق عليها و قال :
"يا لهؤلاء الكتاب القصاصين! إنهم بدلا من أن يقصوا علينا شيئا نافعا ممتعا، مريحا، يهتكون جميع أسرار الحياة على هذه الأرض و يزيحون الحجب عن جميع مبائس الوجود ! ..
لو كان الأمر لى لنهيتهم عن الكتابة! فكروا فى النتائج التى يؤدى إليها هذا! إن المرء يقرأ ما يكتبون .. فإذا هو، على غير إرادة منه يأخذ يتأمل.. و إذا بجميع أنواع الأفكار العجيبة المستحيلة تغزو رأسه"...
بعد شي 3 د الروايات ديالو تعرف على ميخائيل بيتراشيفسكي و انضم ل"جماعة دائرة بتراشيفيسكي" و كان كاتشكل خطر على السلطة و الحاكم لانها كانت جامعااهم غير همااا .. من تماا تم القبض على دوستويفسكي ف عام 1849 بعد الثورة د 1848 ز حكم عليهم بالإعدام. بعد عملية اعدام زائفه حتا وقف باش يتم اعدامه و ووقف في المنصة (و رااه وصف هااد الشعور في "رواية الأبله ") و تغير حكم الإعدام على دوستويفسكي إلى اربع سنوات من النفي مع العمل الشاق .. و هااد التجربة في السجن في سيبيريا و ما ادراك ما سيبريا و المعاناة لي خداا تما خرج و هو يكتب رواية " ذكريات من منزل الأموات" لي تعد من اكثر الروايات لي حللت نفسية السجناء و الاوضاع تما و الظلم ..و ما بقا كمل الكتابات حتا ماات القيصر لي كان داير القمع و المنع انذاك .. مانكثروش الهدرا غادي نقول ليكم اهم الروايات ديالو لي خاص الجميع يقراها و اشنوا قالو فييه الفلاسفة و المفكرين د العالم ..
*الروايات :
_الجريمة و العقاب ( تحفة ادبية شرح فيها المجرم و كيفاش كايفكر فاش كايقوم بالجريمة و علاش و كيفاش كاتكون النفسية ديالو بعد القيام بهااد الفعل )
_الاخوة كارامازوف لي قال عليها اينشتاين و هايدغر و فرويد انها واحد من اهم الاعمال الادبية لي قرااو .. ( و لي هي افضل رواية عندو من 4 اجزاء و لي كاتعتاابر من اهم الروايات في تاريخ البشرية لانها كادوي في جميع المواضيع الفلسفية المهمة , الدين و الالحاد , الله , النفس البشرية كلشيي..)
-المقامر ( كايدوي على الحالة النفسية ديالو فاش كان مدمن على القمار و فاش كان مشا يعيش في سويسرا مع الحبيبة ديالو لي كانت العلاقة بينو و بينها فششششكل بزااف ..)
-المراهق ( هادي خاص تكون اجبارية في المدارس و للآباء باش يقراوها حيتاش كااتشرح ليك النفسية المراهق مزيااان كيفاش كايكون كايحس و العالم الداخلي ديالو )
-الفقراء/مذكرات قبو (كاتعتابر من اول الاعمال د الفلسفة الوجودية) /الشياطين/الليالي البيضاء/الزوج الأبدي /الابله..
* ها اشقالو علييه :
-دوستويڤسكي هو عبقري القرن الماضي، تعلمت منه عن الحياة و الكون و الإنسانية أكثر من أي عالم، لقد أعطاني أكثر مما يعطيني أي مفكر آخر" - اينشتاين
-" إن دوستويڤسكي هو أول إنسان أعطانا فكرة عن الناس الذين هم نحن" - فرويد
-"إكتشاف دوستويفسكي يشبه اكتشاف الحب للمرة الأولى. أو مثل اكتشاف البحر فهو علامة على لحظة هامة في رحلة الحياة." - بورخيس
-" أنا أضع دوستويڤسكي فوق كل الفلاسفة" - سيوران
-"دوستويڤسكي هو عالم النفس الأوحد الذي تعلمت منه شيئاً، اكتشافي له يفوق أهمية اكتشاف ستاندال". - فريدريك نيتشه.
-دوستويڤسكي نفسه ليس بشراً، بل مستشفى من الأمراض النفسية، و مكتبة من الفلاسفة، و سرباً من الأنبياء، و قطيعاً من المجرمين، و حفنة من علماء الإجتماع، و لكن متحدين في شخص واحد" | البرغوثي
فارق دوستويفسكي الحياة ف9 فبراير 1881, و الجنازة ديالو خرج ليها ثلاثون ألف شخص تقريبا ...