العديد هضرو على هد السيد ولكن غير تخريبق هذ تحول من استاذ ومرشد ديني لي كان كينشر الدعوة وكأمن بالخلافة والدين خط احمر الى ملحد كيهاجم المقدسات باش منحكومش عليه نخليكوم تقراو على الاستاذ سعيد بن جبلي !!
سعيد بن جبلي من مواليد 8 ماي 1979 قرية ولاد فرج دكالي الاصل ، الطفل المتدين الحامل لكتاب الله الابراهيمي سنة 1993 غادي كون صاحب اول نقطة على صعيد الاقليم فالشهادة الابتدائية وغادي تخصص ليه منحة خاصة ومن بعد سيدي بنور غادي اقرا المستوى الاعدادي 1995 غادي امشي لجديدة بالضبط ثانوية الرازي التقنية لي غادي اكون مسؤل على المسجد بالمؤسسة وحلقات حفظ القران وتمى شد الباكالوريا فشعبة الهندسة الكميائية سنة 1998 رغم انه علمي ولكن ختار توجه ادبي وتخصص الدراسات الاسلامية بجامعة بوشعيب الدكالي وشد الاجازة ومن بعد المعهد العالي لتكنولوجيا التطبيعية ولكن غادي اتم الطرد يالو بسبب احتجاجات ساهم فيها وعند و الباكالوريا فالتعليم الاصيل "الشريعة" وطالب بجامعة القرويين تخصص الشريعة والقانون لي تم الطرد يالو بسبب الاحتجاجات الطلابية المطلب هو "اصلاح التعليم بالمغرب " وهو قائد او ركيزة من ركائز فالعدل والاحسان وما ادراك ما العدل والاحسان اقود تنظيم فهد لبلاد سعيدة لي كأمنو بالخلافة والبيعة لشيخ عبد سلام ياسين لي مات ،وبسابهوم غادي ادخل لحبس بطريقة غير مباشرة 31مارس 2003 الاعتقال وسط قاعة الامتحان فمظاهرة طلابية فجامعة الشريعة بفاس وملي غادي اخرج غادي تكون البداية كأول مدون عبر الانترنيت 2005 مدونة "تحية نضالية " ، بعد سنة غادي اخرج من التنظيم لي دخل ليه من 1995 وهو مزال تلميذ وكان من القياد لي عندو كلمة وسط التنظيم ، غادي اتصنف مابين 100 شخصية مؤثرة على حساب مجلة "L'express" الفرنسية وكأن هو رقم واحد فالمغريب حيث كان هو صاحب باج 20 فبراير على الفايس بوك هو لي خرج ناس لشارع والمظاهرات من اجل التغير وكان فالخفاء حتى لمن بعد غادي ابان فالواجهة ، وجمع مابين الصحافة المكتوبة "المساء واخبار اليوم و ركن العالم " و الاليكترونية "هيسبريس " و مدير ومحرر بموقع "مغرب كوم " ورئيس الجمعية المغربية للمدونين المغاربة لي رفضات السلطات ترخص ليها .. كاي واحد من ناس لي عندها مبدأ بغات تنشر الوعي وهدشي لي نضلتي عليه ممنوش والو على ارض الواقع و كتلقى ان الى بقيتي هنا مكيناش الحرية الفكرية والتعبير وحتى الفصل 25 من الدستور غير حبر على ورق الوجهة بعد 2014 غادي تكون بلاد العم سام "امريكا " بالضبط بوسطن مؤخراا ولينا كنشوفوه بزاف عبر الفايسوك كيدير لايف "رحلتي من الايمان الى الشك " والعديد كيقولو عليه انه غير كيخرف ولكن هو كيشرح الاحاديت والقران بالدريجة المغربية وكيوجد لكتاب نقد فالاسلام لي غادي ابدى العمل فيه رفقة بعض الباحثين .
